Connect with Us

Kriza politike/ Basha paralajmëron deklaratë të rëndësishme

Politikë

Kriza politike/ Basha paralajmëron deklaratë të rëndësishme

Publikuar

-

Kryetari i PD, Lulzim Basha do të ketë një konferencë të rëndësishme paraditen e sotme nga selia blu.

Mësohet  se kryedemokrati Basha do të ketë një dalje publike për mediat në orën 11:00.

Bëhet me dije se në këtë konferencë, Basha do të ketë një deklaratë të rëndësishme për krizën politike në vend./CNA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Rama nuk duhet marrë seriozisht”/ Meta publikon artikullin e profesorit austriak

Publikuar

-

Nga

Ndërkohë që vijojnë përplasjet mes mazhorancës dhe Presidencës, paraditen e sotme, Meta ka publikuar një artikull të profesorit austriak Paul Lendvai, ku flet për situatën në Shqipëri dhe Kosovë, ku ndalet dhe tek kryeministri Edi Rama.

Në një postim në rrjetet sociale, Presidenti Meta fton qytetarët që të lexojnë shkrimin e profesorit të shquar austriak e publikuar ne ‘Der Standard’.

Shkrimi në fjalë analizon dhe qeverisjen e Ramës, ndërsa thekson se ky i fundit u bë i njohur në sajë të rrjeti ndërkombëtar të artistëve dhe retorikës së tij. “Tonet e tija herë pas here nacionaliste ( ai propozoi dikur një president për Shqipërinë e Kosovën) nuk duhet marrë seriozisht. Më shumë kujdes i duhet kushtuar ajo që kritikohet si kapja e institucioneve të drejtësisë dhe ndikimi i hatashëm i karteleve të drogës në Shqipëri.”, thuhet në artikull.

Artikulli i profesorit Paul Lendvai: 

Mos u impresiononi nga pikturat e tij por shikojini mirë ndikimin
Shqiptarët: forca e rezistencës së popullit shqiptar kundra tendencave autoritare lipset të gjejë mirekuptimin, ndihmën e solidaritetin e komunitetit ndërkombëtar
Nga Profesor Paul Lendavi
Botuar në të përditshmen austriake Der Standard, 18 shkurt 2020;

Shqiptarët ishin dhe janë një element i paparashikueshëm dhe i nënvlerësuar në politikën ballkanike të Bashkimit Europian dhe të Fuqive të Mëdha. Duke parë vendndodhjen strategjikisht të rëndësishme të Shqipërisë, Kosovës, e Maqedonisë së Veriut, forca shpërthyese e nacionalizmit shqiptar mbetet një faktor pasigurie i dorës së parë për shtetet fqinjë. Prandaj bllokimi i çeljes së negociatave të antarësimit në BE shkaktoi shqetësime të justifikuara në rajon.
Në Kosovë së fundmi Albin Kurti mori ofiqin e kryeministrit. 44-vjeçari, dikur radikal i majtë e rebel nacionalist premton tashti një kurs të moderuar por pa kompromise në çeshtjet themelore. Të tërë vëzhguesit e informuar theksojnë njëzëri reputacionin e tij si i pakorruptueshëm. Sidoqoftë duhet pritur për të parë sa do të zgjasë e premtuara “Epokë e Re”. E sigurt është që në Kosovë dhe në Shqipërinë fqinje politika nuk merret me nostalgjinë e “Shqipërisë së Madhe” por me luftën për shtetin ligjor e kundër korrupsionit.
Bisedat e mija në Tiranë e në qytete të tjera të Shqipërisë më lanë përshtypjen e një shteti të brishtë.
Kryeministri Edi Rama, i cili qeveris prej gjashtë vitesh, një piktor i njohur mori emër në sajë të rrjeti ndërkombëtar të artistëve dhe retorikës së tij. Tonet e tija herë pas here nacionaliste ( ai propozoi dikur një president për Shqipërinë e Kosovën) nuk duhet marrë seriozisht. Më shumë kujdes i duhet kushtuar ajo që kritikohet si kapja e institucioneve të drejtësisë dhe ndikimi i hatashëm i karteleve të drogës në Shqipëri.
Tragjikomedi
Përfaqësues të Partisë Demokratike, e cila ka bojkotuar parlamentin e zgjedhjet, e quajnë tragjikomike verfikimin e magjistratëve dhe e quajnë qeverinë si “vetshërbim” por abuzimi politik me pushtetin e drejtësisë ka bërë prej dekadash dëme në adiminstratë. Megjithatë edhe kritikët më të ashpër të qeverisë Rama theksojnë se negociatat me BE duhet të fillojnë. Komuniteti ndërkombëtar duhet të bëjë çmos për të rritur presionin mbi qeverinë dhe për të mbështetur transformimin e filluar.
Unë i përkas opinionistëve të paktë që kanë përjetuar në lëkurën e tyre diktaturën më mizore në Europë, regjimin vrastar të Enver Hoxhës dhë këtë përvojë e ndava me lexuesit e teleshikuesit. Po kështu edhe kur Milosheviçi, Mlladiçi e Karaxhiçi përgjakën shqiptarët e Kosovës.
Forca mahnitëse e rezistencës së popullit shqiptar kundra tendencave autoritare lipset të gjejë mirëkuptimin, ndihmën e solidaritetin e komunitetit ndërkombëtar.
Professor Paul Lendvai është një personalitet austriak me origjinë hungareze i cili ka botuar shumë libra, ndër to edhe mbi Shqipërinë, e ka punuar edhe si titullar në televizion publik austriak.

LEXO TE PLOTE

Politikë

“Alarm për grusht shteti’/ Spartak Braho i përgjigjet Metës

Publikuar

-

Nga

Komisioni për Sigurinë Kombëtare ka diskutuar sot akti normativ i qeverisë për paketën Anti-KÇK.

Por, gjatë diskutimeve, deputeti Spartak Braho ka komentuar edhe deklaratat e presidentit Ilir Meta si edhe të opozitës, lidhur me pretendimet se po përgatitet një grusht shteti në vend.

Braho i ka cilësuar si qesharake pretendimet në fjalë, ndërsa theksoi se nuk mundet që mazhoranca të bëjë grusht shteti, kur ndodhet në pushtet. Një gjë e tillë sipas tij bëhet nga opozita.

“Çuditem me një gjë, nuk e kuptoj alarmin e opozitës dhe kreut të shtetit se po bën grusht shteti Edi Rama. Si mund të bejë grusht shteti Edi Rama kundër vetes së tij? Opozita mund të bëjë grusht shteti. Është jo vetëm qesharake por një lloj justifikimi. Jam deputet i vjetër dhe ka pas raste kur Sali Berisha ka tentuar grusht shteti. Si mund të bëjë mazhoranca grusht shteti kur pushtetin e ka.” u shpreh Braho.

LEXO EDHE:  “I strukur, kokulur, i tallur nga një Ramë…”/ Bushati: Më vjen keq për Lulzim Bashën

LEXO EDHE:  Dështon, Kuvendi i Bashës

Ndër të tjera Braho theksoi se Shqipëria nuk është vendi i parë që aplikon masa të jashtëzakonshme kundër kriminalitetitm ndërsa solli si shembull Italinë apo SHBA, pasi u godit nga sulmet terroriste të 11 shtatorit.

“Nuk jemi ne të parët që aplikojmë masa të jashtëzakonshme kundër kriminalitetit. Italia në vitet ’80, i ka aplikuar ato. SHBA pas 11 shtatorit aplikoi masa të forta që preknin të drjetat e njeriut. Edhe ne kemi zgjedhur këtë masë.” vijoi më tej Braho.

LEXO TE PLOTE

Politikë

Paralajmërim tjetër nga presidenca/ Prova të reja për grushtin e shtetit

Publikuar

-

Nga

Zëdhënësi i Predisentit Ilir Meta, Tedi Blushi ka paralajmëruar prova të reja për grushtin e shtetit.

Sipas Blushit, presidenti do të japë sot në orën 12:30 një konferencë për shtyp ku do të publikojë prova të reja për grushitn e shtetit.

Kujtojmë se një ditë më parë,  Meta thirri në një takim Kryetarin e Partisë Demokratike, Lulzim Basha.

LEXO EDHE:  “I strukur, kokulur, i tallur nga një Ramë…”/ Bushati: Më vjen keq për Lulzim Bashën

LEXO EDHE:  “Situata është “gropë”/ Lubonja i përvishet Bashës: Je akoma te 4 oligarkët

Meta e njohu Bashën me skandalet e fundit anti-kushtetuese dhe përpjekjet e Rilindjes për grusht shteti, dhe i kërkoi kryetarit të PD-së që të informonte edhe drejtuesit e partive të tjera opozitare./CNA.al

LEXO TE PLOTE