E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nga Mitro Çela/ Maska mortore në piramidë

16 Tetor 2019, 11:36, Satire CNA

14 tetor 1988. Punoja tek gazeta ?Bashkimi?. Ditë e madhe: U inagurua ?Mauzelumi Enver Hoxha?. Mijra vetë vërshuan brenda piramidës. Shkova edhe unë për vizitë. Relike. Libra. Fletore me shënime. Makina e Enverit. Maskat e Enverit në kohë luftë, për të mos shkuar tek të shumtët. Koburja e Trasit,- pseudonimi ose ?maska? e emrit.

Makina e shkrimit…Fytyra e Enverit në maskë mortore. Dora e Enverit në allçi… Zgurdullova sytë. U befasova. Rastësisht, pranë kisha Hekuran Isain. Ministër i Brendshëm dhe anëtar i Byrose Politike. Kisha muhabet, falë miqësisë me të birin. Bile, kur isha shef i sektorit ekonomik në ?Zerin e popullit?, pata bërë një faqe gazete me emrin e Hekuran Isait me titull: ?Vlerat ushqimore të barit të thatë.?… E pyeta për maskën mortore…?Shët! Sekret. Hajde nesër në zyrë?.

Një ditë më vonë shkova në ministrinë e Brendëshme. Pas disa zig-zakeve në koridore e shkallë, u futa në zyrën e ministrit. Në fillim bisedë pa bereqet. Pastaj Hekuran Isai më tregoi: ? Ditën e parë që vdiq shoku Enver u tronditëm. Sikur na ra rrufeja. Ditën e dytë u mblodh Byroja Politike, me shokun Ramiz Alia në krye.

U morën disa vendime. U vendos që emrin e shokut Enver ta kishte Porti Detar në Durrës, uzina e Traktorëve në Tiranë, Shkolla e Bashkuar e Oficerëve. Në qëndër të Tiranës, në sheshin ?Skënderbe?, do ngrihej një monument: më i madhi në Ballkan. Shoku Ramiz u zotua të bënte librin: ?Enveri ynë?. Në fund, shoku Ramiz na tha:? Do u them një sekret.

Duhet të mbetet mes nesh. Do të bëjmë një maskë mortore për fytyrën dhe dorën e shokut Enver…Një imazh i gjallë…Ju e dini: Për shokun tonë Enver ka vetëm vit lindje-1908. Nuk ka vit vdekje…Ai është legjendë për gjithë komunistët e botës?! Ju mund të thoni: Pse të mos e ballsamosim si Leninin në Moskë? E diskutuam. Po ta bëjmë, do na akuzojnë sovjetikët se imituam veprën e tyre. Nga ana tjetër maska mortore është më simbolike. Është më e lashtë. Zanafillën e ka në piramidat e Egjyptit….? …Po atë ditë thirrëm disa skluptorë: Kristaq Rama, Muntas Dhrami, Muharrem Turkeshi,-vazhdoi bisedën Hekuran Isai.

– Udhëheqësi qëndroi një javë pa u varrosur. Ditën e shikonin njerëzit. Natën punohej për maskën. Trupin e hiqnim nga podjumi dhe e vendosnin në dysheme. Skluptorët bënin llogari. Dy orë para se të mbyllej arkivoli, Muharrem Turkeshi hodhi allçi mbi fytyrë… Dhe doli maska e fytyrës…Pastaj u bë dora!…? Ku vajti maska mortore?…Pyetje relike. Lumi po merr Piramidën. Është bërë sikur e kanë ngrënë zagarët edhe pse ka “kollofitur” nha 6 milionë euro?!