Haberet e Mitros/ Nuk hapa shalët, por gojën

23 Shtator 2019, 15:01, Satire CNA

Një vajzë në zyrën time. 30 vjeçe. Seksi. Shtova:
? Kam lexuar një teori budiste: vetullat “flasin” për pesë karaktere femrash.
? Po më zhbirilon nga vetullat? Mos u lodh. Karakteri im nuk del në vetulla… Jam e virgjër!
? Je lesbike?!
? Do të më shijonte. Por jo, nuk jam.
? E “kollofit” robi shakanë e virgjërisë? Po të kesh tanga prej hekuri, si vashat e kalorësve në mesjetë, OK.
? Nuk kam ardhur për debat për virgjërinë. Më dëgjo, pastaj gjyko. Jetoj në Korçë. Pesë vjet më parë erdhi një grek. Biznesmen. I bukur. Mashkull për shijen time. Më ra në kokë. Doja të bëja seks. E “gjuajta” në disko. Në rrugë nuk ma vari. Më poshtëroi. Mëkat për një mashkull. U betova ta bëj timin. Fillova kurs për greqisht. E ndala djalin në bulevard. I fola greqisht. U befasua dhe… lamë takim. Kafe. Më ftoi në dhomë. Nuk hapa shalët, por gojën. Greku u çmend… Donte seks… Djali jetonte në Selanik. Shkova. Jetonte në një vilë. Përdori dinakërinë greke për zogun. Nuk i eci. Një natë i thashë:
?Unë kam vetëm një pronë: virgjërinë. Ti ke shtëpi. Biznes. Makina. Dua të bëjmë një kontratë. Te noteri. Unë të jap pronën time, ti të më japësh 20 për qind të pasurisë.?
?Ok. Kam një kusht: nuk duhet të vëmë kurorë. Kam alergji nga martesa.? Shkuam te noteri. Firmosëm. Hapi çantën. Mbi tavolinë hodhi dy shkresa. Greqisht dhe anglisht. Në fund, tre firma: greku, shqiptarja, noteri.
? Zyrtarisht, kjo do të thotë se e ke shkëmbyer virgjërinë!
? Kur hodha firmën, lexova vetullat e grekut: ?Dinak!?, thashë. U kthyem në hotel. Nuk u dorëzova… Vetëm seks oral. U kthyem në Korçë. E ftova në shtëpi. Kam një vëlla. I martuar me një vajzë nga Selaniku… Doli që njiheshin: nusja me biznesmenin. Normale… Pas dy ditësh shoku im iku në Selanik. Në makinë mori edhe nusen e vëllait me një shoqe. Pas një jave nusja mori në telefon vëllanë. I kërkoi divorc… Sebepi?! Do të martohej me grekun tim… Hapu dhè të futem!… U prisha me vëllanë… Pse ta tregova historinë? Dua të di: A mund të më ndihmojë ?Fiks Fare? për të fituar pronat e grekut? Ja kontrata…
? Në Shqipëri nuk pi ujë.
? E di. Por në Greqi duhet avokat. Ata të rrjepin… Më bën derman?
? Të flas me Fonin, atë e kemi specialist!
? Dele pa qumësht, ? tha virgjëresha dhe u largua.
Epilogu. Një javë më vonë, virgjëresha ime po fliste me Fonin. Bukur! Foni ka bërë skoli në Greqi…