"Tërhiqet" Albin Kurti/ "Heqim taksën për Serbinë, por ja kushtet tona!!!"

7 Tetor 2019, 18:32, Kosova & Bota CNA

Ndërkohë që mbrëmjen e djeshme, në fjalimin e fitores përballë mbështetësve të tij, Albin Kurti, do të shprehej se: ?Dialogu me Serbinë është zhvilluar jo në mënyrën e duhur” dhe se “nga sot e tutje do ta udhëheq unë këtë dialog?, të ndryshme kanë qenë fjalët e tij për gazetën austriake ?Standart?.

Në intervistën e tij pak para mbajtjes së zgjedhjeve të djeshme në Kosovë, duke ju referuar çështjes së taksës ndaj mallrave serbe, Kurti ka deklaruar se do ta largojë taksën 100%, si dhe do të kërkojë reciprocitet me Serbinë dhe kompensim për luftën. Po ashtu ai ka deklaruar se nëse do të bëhej Kryeministër, që në javën e parë do të fillonte dialogun me serbët në Kosovë.

?Ne do ta zëvendësojmë taksën me parimin e reciprocitetit. Për shembull, Beogradi duhet t?i pranojë targat tona dhe dokumentet, në të cilët shkruan Republika e Kosovës. Duam ta sqarojmë fatin e të zhdukurve, pavarësisht kombësisë, të gjinden edhe serbët edhe romët. Duhet të formohen ekipet e përbashkëta të hetuesve kosovarë, serbë dhe ndërkombëtarë, të cilët do të analizonin varrezat masive. Serbia i detyrohet Kosovës edhe për kompensim të luftës, një fond pensioni dhe 1.200 artefakte?, është shprehur Kurti, për austriaken “Standart”.

Kreu i Vetëvendosjes është tërhequr pas përsa i përket bashkimit kombëtar, kur është shprehur se: duke qenë se një gjë e tillë nuk lejohet me Kushtetutë do ta respektojë këtë të fundit.

?Megjithatë, Referendumi nuk lejohet, kështu që unë do ta respektoj Kushtetutën derisa një ditë të jemi në gjendje që ta ndryshojmë atë në mënyrë paqësore dhe demokratike. E kjo nuk pritet të ndodhë shpejt?, ka deklaruar kreu i VV.

Ndërkohë në një intervistë të gjatë me gazetën konservatore gjermane ?Frankfurter Allgemeine Zeitung? Albin Kurti ka deklaruar se është në interes të vendit të tij të luftojë korrupsionin, pasi sikurse ai shprehet: në shumë kryeqytete përshtypja për Kosovën nuk është e mirë.

Kurti e lavdëroi ambasadorin amerikan Philip Kosnett, për të cilin tha se po angazhohet fuqishëm kundër korrupsionit, nepotizmit dhe për sundim të ligjit, çështje të cilat janë edhe prioritet për Vetëvendosjen.

Po ashtu, në intervistën për gjermanen Kurti nuk i ka kursyer kritikat për paraardhësit e tij politik, duke u shprehur se, së fundmi, politikanët që qeverisën Kosovën ishin të gatshëm t?i shkatërrojnë edhe raportet me Amerikën vetëm e vetëm për të shpëtuar politikën e tyre të korruptuar.

?Kur është fjala për paratë dhe pasurinë e tyre, atëherë ata bëhen të padëgjueshëm edhe ndaj Shteteve të Bashkuara. Çfarë befasie??.

Sipas kreut të Vetëvendosjes, prokuroria, policia, në përgjithësi krejt aparati i drejtësisë dhe shërbimet sekrete në Kosovë, si dhe disa biznesmenë, janë të përfshirë në kapjen e shtetit.

?Unë kam vullnet ta luftojë krimin e organizuar dhe korrupsionin në nivelet e larta dhe kam vullnet t?u jap fund monopoleve të oligarkëve në Kosovë. Për të pasur sukses na duhet përkrahja e bashkësisë ndërkombëtare?, tha Kurti, që deklaroi se nëse bëhej Kryeministër, bashkëpunimi i tij me presidentin Hashim Thaçi nuk do të jetë i lehtë.

Duke thënë se me idenë e tij të ndryshimit të kufijëve ka shkatërruar imazhin e shtetit, lideri i VV-së guxon të jap edhe një ?këshillë? për kreun e shtetit, ndërsa shprehet se ?Do të ishte më mirë nëse Thaçi tërhiqet nga posti i presidentit dhe nga politika?.

?Pas çlirimit nga pushtimi serb në vitin 1999 dhe pas shpalljes së pavarësisë më 2008, tani na duhet një kthesë e tretë, gjatë së cilës duhet të largohen nga jeta publike e këtij vendi politikanët e korruptuar si Thaçi?, u shpreh Kurti.

Kurti ka shprehur nevojën e reformimit të sistemit arsimor, ndërkohë përsa i përket ndryshimit të simboleve , shkurtimisht deklaroi se një gjë e tillë nuk është prioritet i qeverisë së tij, duke shtuar se ?njëherë duhet ta shpëtojmë shtetin e kapur?.

Sipas tij, është pozitive që në hartën e flamurit të Kosovës është edhe veriu, të cilin Presidenti dëshironte ta shkëpuste nga vendi.

I pyetur se nëse ishte normale që VV të përshkruhet si parti e majtë nacionaliste, Kurti tha se:

?Ne jemi parti socialdemokrate. Nëse te ne gjenden gjurmë të patriotizmit, atëherë ky është më shumë patriotizëm antikolonial. Nuk ka të bëjë asgjë me nacionalizmin, siç e shohim shpesh në BE. Qëllimi ynë është barazia?, përfundoi ai./CNA.al