web counter
LEXO PA REKLAMA!

SHKARKO APP

App Store
Google Play

Sa vota është Vetëvendosja para LDK-së/ Ku renditen partitë e tjera

7 Tetor 2019, 07:41, Kosova & Bota CNA

Komisioni Qendror i Zgjedhjeve në Kosovë vijon të publikojë minutë pas minute rezultatet paraprake të zgjedhjeve të parakohshme parlamentare, të mbajtura një ditë më parë.

Ndërkohë që ka përfunduar numërimi i rreth 96% të votave, në bazë të dhënave të publikuara në faqen e KQZ-së, Lëvizja Vetëvendosje ka marrë 197.966 vota ose 25,79% të votave. E dyta renditet LDK-ja, e cila ka marrë 192.300 vota ose përkthyer në përqindje 25,05%.

Partia Demokratike e Kosovës ka marrë 162.858 vota, ose 21,14%.

Koalicioni Nisma socialdemokrate dhe Aleanca Kosova e Re ka marrë 37.786 vota ose 4,92 për qind.

Ndërsa, lista serbe ka marrë 47.633 vota ose 6,21 për qind.

Numërimi i fletëvotimeve në vendvotime është përmbyllur mbrëmë, por vetëm procesimi i të dhënave nuk është bërë ende për 4% të vendvotimeve.

Kështu ka thënë zëdhënësi i KQZ-së, Valmir Elezi, i cili ka shtuar se këto janë rezultate paraprake, por do të bëjnë përpjekje që sa më shpejt t?i shfaqin të dhënat nga të gjitha vendvotimet.-shkruan Kosova Sot.

Rezultatet paraprake nuk përfshijnë votat me kusht, votat me postë dhe votat e personave me nevoja të veçanta.





Lajmet e fundit nga