Tatimet ikën. Po tani!

4 Tetor 2019, 09:02, Politikë CNA

Dje pasdite, Hetimi Tatimor, pas një urdhëri zbarkuan tek zyrat e CNA.al. Kontrolli i Tatimeve u duk i qëllimshëm dhe një skenar kundër medias, për së paku dy arsye.

Kontrolli në një orë me tendencë për të gjetur punonjës të pasiguruar sepse mbërritja në redaksi ka qënë rreth orës 17:00 dhe rikthimi për të marrë dokumentat me pretendimin ligjor që në agjencinë e lajmeve CNA.al mungon kasa fiskale.

Sot në mëngjes, gjithçka është sqaruar. Megjithëse ndajmë qëndrim të ndryshëm me interpretimin e ligjit bërë nga inspektorët e Hetimit Tatimor, ajo që mund të themi është fakti se sjellja e inspektorëve dhe qëndrimi i tyre ka qënë vërtetë për t’u përshëndetur në zbatim krejtësisht të ligjit, pavarësisht çdo urdhëri të dhënë nga më lart.

Pas asaj që ndodhi dje, tani është koha të hapen letrat. Për ne, do të ngelet sulm në rast se nuk do të kontrollohen të gjithë, nuk do të zbatohet ligji për të gjithë njësoj, nuk do të kontrollohen burimet e financimit për çdo media apo portal, që janë bërë si kioskat e Nanos dikur.

Përtej çdo tendence apo fryme politike është koha e një Vettingu apo kontrolli të rreptë ndaj medias.

Ne ndoshta jemi një media modeste, me një staf prej shtatë vetësh, në një redaksi ku burimi i të ardhurave janë reklamat dhe vetëm ato. Ku paguhen kontributet për çdo gazetar, detyrimet në shtet, por beteja që bëhet ndaj nesh është krejtësisht e pandershme.

Jo vetëm për nga pretendimi se konkurentët e tjerë nuk përplasen me ne vetëm për cilësinë e lajmit, ata na fitojnë çdo betejë që vjen pas parave që i financon, burimin e tyre, që fatkeqësisht në shumë media është kriminal. Është nga para droge, para informaliteti apo korrupsioni me pushtetin e radhës.

Hetimi Tatimor ndoshta dje i filloi punët mbarë me CNA.al, me Syri.net, me Fiks Fare dhe disa media të tjera. Por, nuk mund të mbyllet me kaq. Asgjë nuk mund të mbarojë këtu. Pikërisht tani duhet të fillojë. E në qoftë se Tatimet dhe Ministria e Financave e kanë seriozisht do të jemi të parët që do ti mbështesim në luftën e tyre për të zbardhur financimin dhe gropën e errët në media. Që nga portali më periferik deri tek Vjollca e Topi, Sandri i Klanit, Irfani i News 24, Pasmaciu i Orës, e kështu me radhë.

Në fund një këshillë edhe për miqtë e medias. Mos qani dhe mos bërtisni kur ju kapin në shkelje. Tek ne erdhën dhe nuk gjetën asgjë. Sot kemi një detyrim moral ti falenderojmë në parim, duke pritur që beteja e tyre të vazhdojë dhe të shkojë deri në fund për të mësuar disa të vërteta mbi mediat.

Për këtë Tatimet duhet të bëjnë edhe transparencë për publikun./ CNA.al

Hetimi Tatimor rikthehet nÃ« zyrat e CNA.al

Hetimi Tatimor zbarkon nÃ« media/ CNA.al kalon me sukses kontrollin

Presion banditesk ndaj mediave kundÃ«rshtare/ Berisha: â??Rama i tmerruar nga tÃ« vÃ«rtetatâ?