E fundit!

12:20 Aktualitet

35 vjetori i PS-së/ Berisha: Mitingu i djeshëm shënoi fundin e partisë së krimit

Kreu i PD-së Sali Berisha në një bashkëbisedim me ndjekësi...

Bënë “kërdinë” në shtëpitë e korçarëve/ E pësojnë keq tre të rinjtë

20 Shtator 2019, 08:12, Kronika CNA

Policia e Korçës ka vënë në pranga tre persona, të cilët dyshohet se në në 10 banesa kanë vjedhur biçikleta, vegla pune dhe sasi lekësh.

Mësohet se në cilësinë e provës materiale janë sekuestruar 10 biçikleta, ndërsa në pranga kanë rënë shtetasit: S.Sh, 18 vjeç, banues në Pogradec, R.Sh, 16 vjeç, banues në Korçë dhe D.H, 16 vjeç, banues në Korçë.

Njoftimi i policisë:

Finalizohet me sukses operacioni policor i koduar “Biçikleta”.

Operacioni i zhvilluar, për të goditur veprimtarinë kriminale në fushën e vjedhjes së banesave.

Vodhën në 10 banesa, biçikleta, vegla pune dhe sasi lekësh, arrestohen në flagrancë 3 shtetas, si autorë të dyshuar të këtyre ngjarjeve.

Sekuestrohen në cilësinë e provës materiale 10 biçikleta.

Shërbimet e Komisariatit të Policisë Korçë, në vijim të punës për zbardhjen dhe dokumentimin e disa vjedhjeve të ndodhura muajin e fundit, në qytetin e Korçës, kapjen dhe vënien para përgjegjësisë ligjore të autorëve, si edhe krijimin e një ambjenti sa më të sigurt për komunitetin, kanë organizuar dhe finalizuar operacionin e koduar “Biçikleta”, si rezultat i të cilit u bë arrestimi në flagrancë i shtetasve: S.Sh, 18 vjeç, banues në Pogradec, R.Sh, 16 vjeç, banues në Korçë dhe D.H, 16 vjeç, banues në Korçë.

Nga veprimet hetimore të kryera, rezulton se këta shtetas në bashkëpunim me njëri tjetrin, dyshohet të jenë autorë të ngjarjeve të mëposhtme:

Më datë 26.08.2019, në lagjen nr.4, shtetasi J.B,, ka konstatuar në kompaninë ku punon, mungesën e disa veglave të ndryshme te punes.

Më datë 02.09.2019, në lagjen nr.12, janë vjedhur 2 biçikleta në oborrin e banesës, së shtetasit P.S, 48 vjeç.

Më datë 04.09.2019, në lagjen nr.11, është vjedhur 1 biçikletë në oborrin e banesës së shtetasit K.P, 30 vjeç.

Më datë 06.09.2019, në lagjen nr.17, janë vjedhur 1 lap top dhe 1 vegël pune në banesën e shtetasit V.Z, 60 vjeç.

Më datë 07.09.2019, në lagjen nr.3, është vjedhur një sasi lekësh në banesën e shtetasit I.M, 53 vjeç.

Më datë 10.09.2019, në lagjen nr.18, janë vjedhur 2 biçikleta, në një ambjent në përdorim të shtetasit M.R, 37 vjeç.

Më datë 14.09.2019, në lagjen nr.1, është vjedhur 1 biçikletë në banesën e shtetasit I.N, 52 vjeç.

Më datë 14.09.2019, në lagjen nr.13, është vjedhur 1 biçikletë, në banesën e shtetasit K.K, 50 vjeç.

Më datë 18.09.2019, në lagjen nr.3, është vjedhur 1 biçikletë në oborrin e banesës së shtetasit M.P, 29 vjeç.

Më datë 18.09.2019, në lagjen nr.13, është vjedhur 1 biçikletë, në hyrje të banesës së shtetasit R.F, 37 vjeç.

Në cilësinë e provës materiale, u gjetën dhe sekuestruan 10 biçikleta të cilat pasi u vodhën nga autorët, janë shitur në qytetet e Korçës dhe Pogradecit.

Vijon puna për dokumentimin me prova ligjore edhe të disa vjedhjeve të tjera, ku autorë të tyre dyshohet të jenë shtetasit e lartpërmendur.

Materialet në ngarkim të tyre i kaluan Prokurorisë pranë Gykatës të Shkallës së Parë Korçë për veprën penale “Vjedhja, e kryer në bashkpunim, më shumë se njëherë” parashikuar nga neni 134/2 dhe 25 i Kodit Penal.