Connect with Us

Vrasja e Ardit Gjoklajt/ Veliaj iu shmanget akuzave, zhytet më thellë në skandal

Lajm i Rekomanduar

Vrasja e Ardit Gjoklajt/ Veliaj iu shmanget akuzave, zhytet më thellë në skandal

Publikuar

-

Ardit Gjoklaj u gjet i masakruar në landfillin e Sharrës, në verën e vitit 2016. Për vrasjen e tij deri më sot askush nuk ka dhënë përgjegjësi.

Me anë të një vendimi skandaloz gjykate, Gjoklaj u tha se ishte vrarë jashtë landifllit të Sharrës, duke e lënë kështu vrasjen pa autor.

Por shoqëria civile dhe Partia Demokratike, kanë akuzuar drejtpësëdrejti kryebashkiakun e Tiranës, Erion Veliaj për vrasjen e Gjoklajt.

Një muaj para se të niste punë në landfillin e Sharrës, kishte dalë në media dhe kishte thënë që është ambjent i sigurtë dhe pas vrasjes së Ardit Gjoklajt u kap në një nga restorantet e Tiranës, me ish kreun e organit të akuzës së kryeqytetit Petrit Fusha.

Pas këtij takimi, pushuan hetimet për Bashkinë e Tiranës dhe ngjarjes i dhanë drejtim tjetër.

Janë jo vetëm këto fakte dhe të tjera që kanë bërë që në shënjestër të akuzave për vrasjen e Gjoklajt të jetë Veliaj.

Ky i fundit ka zgjedhur të heshtë, për këtë krim të rëndë sa herë që është pyetur nga mediat.

CNA.al i është drejtuar me një letër Veliaj për ta pyetur nëse ka ndryshuar qëndrim, apo e vret sadopak ndërgjegjja për humbjen e jetës së Ardit Gjoklajt.

“Cili është qëndrimi juaj në lidhje me ngjarjen e vitit 2016 në landfilline  Sharrës, ku ka mbetur i vrarë Ardit Gjoklaj?  Pse heshtni ndërkohë që ndaj jush janë ngritur dyshime dhe janë hedhur akuza në lidhje me bllokimin e dokumentarëve  dhe investigimeve në media për rastin e Gjoklajt? A ndjeni të paktën përgjegjësi morale për këtë ngjarje të rëndë?

Kanë qenë këto disa nga pyetjet drejtuar kryebashkiakut të Tiranës nga CNA.al.

Por, nga përgjigja e tij, vërejmë se Veliaj nuk ka ndryshuar qëndrim. Ai vijon t’u shmanget akuzave, ndërsa gjaku i Ardit Gjoklajt ende nuk është tharë në landfillin e Sharrës.

“Në lidhje me shkresën tuaj të datës 09.07.2019, protokolluar pranë Bashkisë së Tiranës me nr. prot. 27587, datë 10.07.2019, bazuar edhe në përcaktimet e ligjit “Për informimin Publik”, dëshirojmë t’ju bëjmë me dije se kërkesa juaj nuk parashikohet nga ligji në fjalë, pasi nuk është kërkesë për informacion. Gjithashtu kjo çështje është shqyrtuar nga organet ligjzbatuese”, thuhet në përgjigjen e Veliajt për CNA.al.

Veliaj e ka fjalën pikërisht për ato organe ligjzbatuese me të cilat  shpëtoi nga hetimet. Ishte pikërisht drejtuesi i Prokurorisë, që nëse nesër do të funksionojë SPAK-ut do të jetë burg, që e amnistoi Veliajn nga hetimet.

Ardit Gjoklaj, i cili duhej të ishte në bankat e shkollës dhe jo në impiantin e përpunimit të mbeturinave në Sharrë humbi jetën në orët e para të mëngjesit të 7 gushtit 2016.

17 vjeçari, jashtë çdo kriteri ligjor  ishte punësuar në impiantin e seleksionimit të mbetjeve të kompanisë “3R” shpk në Sharrë, me shpresën se do të mblidhte paratë e nevojshme për të blerë librat e shkollës.

Asnjëherë Bashkia e Tiranës nuk ka mbajtur  përgjegjësi për kontratën abuzive me kompaninë “3 R” dhe asnjëherë  Erion Veliaj nuk  kërkoi të paktën falje për vdekjen e 17-vjeçarit.

Së fundmi shoqëria civile ka ndërmarrë një nismë për të venosur një memorial në qendër të Tiranës për Ardit Gjoklaj. A do të ketë Veliaj do të ketë ndërgjegjje të ndeshet ditë për ditë me Arditin, apo nga paniku nuk do të lejojë ngritjen e një memoriali të tillë? Një gjë është e sigurtë se sa më shumë hesht, Veliaj aq më thellë zhytet./CNA.al

Memorial për Ardit Gjoklajn/ Aktivistët-Veliajt: I vodhe jetën

Vrasja e Ardit Gjoklajt, varri politik i Veliajt

Veliajt i bie maska e propagandës/ Qytetarët refuzojnë “vrasësin” e Ardit Gjoklajt

Nga vrasja e Ardit Gjoklaj tek betonizimi/ Zbardhen bëmat e Erion Veliajt

Shënim/ Kur do ta thotë Veliaj të vërtetën për vrasjen e Ardit Gjoklajt?  

 

KLIKO PER TE KOMENTUAR

Komentoni

Your email address will not be published. Required fields are marked *

Lajm i Rekomanduar

Skandali i ARRSH/ Bllokon pagesat për mirëmbajtjen e rrugëve

Publikuar

-

Nga

Prej disa vitesh, Banka Botërore investon me mijëra euro për mirëmbajtjen e rrugëve në Shqipëri.

Por, Autoriteti Rrugor Shqiptar ka penalizuar projektin më të rëndësishëm të Bankës Botërore në vendin tonë, i cili mbi të gjitha synon rritjen e sigurisë rrugore, për shmangien e aksidenteve.

BB është financues i projektit “Mirëmbajtja dhe Siguria Rrugore bazuar në Rezultate”, me një vlerë prej 65.9 milionë eurosh.

Por, burime për CNA.al bëjnë të ditur se prej muajit prill, kompanitë e kontraktuara për mirëmbajtjen e rrugëve nuk paguhen nga ARRSH, gjë që të çon në dyshime të forta për afera korruptive.

Drejtoresha e ARRSH-së, Sonila Qato ka stopuar pagesat, dhe mesa duket diçka pret. Por, ndërsa drejtoresha penalizon një prej projekteve më të rëndësishme të BB-së, fatura deri tani ka shkuar në rreth 3 milion euro./ CNA.al

LEXO TE PLOTE

Kronika

Akuzat e PD-së për Mark Babanin/ Prokuroria vihet në lëvizje

Publikuar

-

Nga

Njësia e Dekriminalizimit pranë Prokurorisë së Përgjithshme është vënë në lëvizje, pas akuzave publike që Partia Demokratike ka bërë në drejtim të kryebashkiakut të Vaut të Dejës, Mark Babani.

Mësohet se organi i akuzës i ka kërkuar Babanit dorëzimin e shenjave të gishtave, në Institutin e Policisë Shkencore në Shkodër ose në Tiranë. Kjo e fundit më pas dërgon të dhënat pranë Njësisë së Dekriminalizimit.

Partia Demokratike pretendohen se socialisti është arrestuar më datë 4 Prill 1994, në Itali, në zonën e Siçilisë, për kryerjen e veprës penale “Vjedhje në rrethana rënduese, e kryer në bashkëpunim”.

Ky është rasti i tretë i kryebashkiakëve socialist që akuzohet nga PD, pas Valdrin Pjetrit në Shkodër dhe Agim Kajmakut në Vorë./ CNA.al

LEXO TE PLOTE

Lajm i Rekomanduar

Pafajësia e Kajmakut, si një alibi e pamjaftueshme

Publikuar

-

Nga

Dje mediat proqeveritare raportuan lajmin se Agim Kajmaku alias Jorgo Toto, ishte shpallur i pafajshëm nga Gjykata e Janinës, në lidhje me një çështje, ku akuzohej për falsifikim parash.

Në fakt ai u akuzua nga opozita disa kohë më parë se kishte fshehur dënimindhe se ndaj tij kishte një proçes penal në Greqi, ç’ka e bënte atë subjekt të ligjit të dekriminalizimit, sepse duhet të hetohej nga prokuroria, pasi kishte fshehur ndalimin nga policia dhe proçedimin penal në Greqi.

Në fakt, mediat e majta u përpoqën ta shpallnin si dështim të opozitës, dhe të nxirrnin në pah fitoren e tyre me Kajmakun, duke thënë se ai kishte marrë një vendim gjykate, ku shpallej i pafajshëm.

Por, si qëndron e vërteta në këtë rast?

Ligji i Dekriminalizimit e thotë qartë. Agim Kajmaku, apo të gjithë “Kajmakët” e tjerë duhet të deklarojnë ndalimin apo procedimin penal të bërë në një vend jashtë Shqipërisë apo në vendin tonë për një çështje të caktuar. Me detyrim e ka këtë deklarim çdo zyrtar i lartë i politikës, kryetaët e bashkive, deputetët etj, përfshirë dhe zyrtarët e lartë të shtetit.

Pra, Agim Kajmaku nuk është denoncuar nga Partia Demokratike se ishte apo nuk ishte i pafajshëm. Se kishte apo nuk kishte proçes gjyqësor. Partia Demokratike ka denoncuar me letra, me dokumenta zyrtare, se Agim Kajmaku ishte ndaluar në Greqi, më pas ishte zhvilluar një proçes gjyqësor dhe ai ishte dëbuar prej atje. Gjë të cilën Kajmaku nuk e ka shkruar në deklaratën e tij të pastërtisë së figurës, të dorëzuar pranë KQZ-së. Kjo është ajo që e penalizon Kajmakun dhe jo vendimi.

Ai mund të ketë dalë i pafajshëm, por ligji i Dekriminalizimit, mënyra si është shkruar apo ndërtuar, e çon nën akuzë Agim Kajmakun, minimalisht për veprën e mashtrimit, pasi kështu e detyron ky ligj. Të gjitha të tjerët, çfarë flitet nga media dhe politika janë fjalë pazari.

Pra, ligji i Dekriminalizimit e ka të qartë dhe të theksuar. Duhet deklaruar proçedimi, ndalimi etj. Dhe kështu ka ndodhur me Kajmakun. Ai është ndaluar dhe është proceduar, pavarësisht se dje ka dalë i pafajshëm.

Në qoftë se do ta shkruante se ishte në një procedim të tillë në Greqi, Zoti Kajmaku ishte në të drejtën e tij dhe skishte asnjë lloj problemi.

Në momentin që ligji është bërë në këtë formë, duhet respektuar ashtu siç është ndërtuar.  Ose të ndryshohet ligji, por nuk ka fuqi prapavepruese. Kështu që rasti “Kajmaku” është një rast tjetër edhe më i rëndë se Valdrin Pjetri.

Sepse në rastin e Valdrin Pjetrit, ku ka një të përbashkët që po ua quajmë të dyve se nuk ishin në dijeni, pasi edhe Gjykata në Greqi thotë se nuk ka qënë në dijeni të proçedimit të mëtejshëm penal, dhe të dy kanë qënë në dijeni të faktit se janë ndaluar apo shoqëruar nga policia për një X vepër penale.

Por, në rastin e Valdrin Pjetrit, ai u tërhoq, kërkoi edhe ndjesë publike, ndërsa Agim Kajmaku heshti, e mohoi dhe vazhdoi procedurat gjyqësore, deri disa ditë më parë ku mori dhe vendimin e pafajsësi.

Tani me këtë vendim pafajësie, ai kërkon që t’i hedhë hi syve publikut dhe politikës dhe palët të përplasen tani, kanë apo nuk kanë të drejtë.

Agim Kajmaku, edhe një herë e përsërisim se mund të jetë i pafajshëm dhe është shpallur i tillë nga Gjykata e Greqisë, por ai është proçeduar, ai është ndaluar, ka pasur një hetim dhe një dëbim ndaj tij. Këtë ai e ka fshehur dhe ligji i Dekriminalizimit e penalizon dhe kjo nuk ka diskutim.

E vetmja mënyrë për të shpëtuar nga të tilla problematika është ndryshimi i ligjit. Siç e përmendem edhe më lart, ligji është i qartë dhe e çon nën akuzë Agim Kajmakun. Të gjitha të tjerat janë fjalë./ CNA.al

LEXO TE PLOTE