E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

A kanë moral mandat-djegurit e Lulit?/ Ish deputetët nuk heqin dorë nga pagat

18 Gusht 2019, 14:53, Politikë CNA

Pas disa informacionesh zyrtare dhe konfirmimi nga institucionet CNA.al mësoi dje zyrtarisht se ish deputetët e PD që kishin djegur mandatet në Shkurt të këtij viti vazhdojnë të paguhen.

Ata marrin jo më shumë se 60% të rrogës së deputetit aktualë, (78.000 lek në muaj) një shumë parash e cila do t’u jepet depuetëve që janë të rinj, për aq kohë sa kanë qenë në Parlament, ndërsa atyre që kanë qenë deputetë të vjetër për jo më shumë se tre vjet.

Sot ka deputetë të Bashës që paguhen edhe më shumë sesa kur ishin në Parlament për shkak të humbjes së pagës nga bojkotet apo penalitetet që merrnin.

Pra, djegia e mandateve përtej fasadës së Lulzim Bashës dhe artikulimit të tij ka anën tjetër. Ka deputetë me mandate të djegura që marrin 700 apo 800 mijë lekë në muaj dhe i fusin në xhepat e tyre.

Kjo është një tallje, kjo është një fyerje. Ky është një tjetër akt i paturpësisë së Lulzim Bashës dhe stafit të tij. Djegin mandatet dhe shkojnë e marrin rrogat.

Pra, jo rroga të majme, por gjysmën e rrogës së deputetit, 700 apo 800 mijë lekë në muaj. Nuk shkojnë në Parlament, nuk bëjnë asnjë detyrë, i kanë djegur mandatet në emër të popullit, por në emër të kujt i marrin paratë?

Në fakt monedha ka dy anë. Njëra anë është kjo e Lulzim Bashës që bën sikur djeg mandatet, ndërkohë që marrin paratë dhe i futin nëpër xhepa. Ana tjetër e medaljes janë demokratët, janë ata dhjetra mijëra militantë të PD, specialistë apo njerëz me bindje të djathta, kontribues në Partinë Demokratike që u hoqën nga puna pas 2013-ës dhe që vazhdojnë të hiqen dhe sot nga Qeveria e Partisë Socialiste dhe e Rilindjes.

Janë me mijëra të tillë të cilët janë hequr padrejtësisht. Janë rropatur dyerve të gjykatave, nuk kanë mundur të fitojnë gjyqet apo kanë marrë disa muaj rrogë pasi kanë lënë mijëra apo miliona lekë nëpër gjyqeve, rrugëve për të fituar të drejtën e tyre.

Ndërsa deputetët mandat djegur Lulzim Bashës, të cilët pretendojnë se kanë djegur aktin e popullit vazhdojnë të marrin rrogat.

A ka moral në këtë rast, kur dhjetra mijëra demokratë të larguar nga puna, vuajnë për bukën e gojës? Ndërsa deputetët e Lulit shijojnë ende qindra mijëra lekë muaj për muaj apo disa dhjetra- milionë në vit që fusin në xhepat e tyre nga taksat e shqiptarëve edhe pse ata i kanë djegur mandatet.

Prandaj, ky është morali i Lulit, ky është morali i deputetëve të tij.

Nga njëra anë flasim për mandate të djegura, se përfaqësojnë popullin, se kjo ishte kërkesa e popullit dhe nuk janë më në Parlament, por janë gati të përballen me drejtësinë dhe nuk bëjnë asgjë me pretendimin se thjesht dhe vetëm janë pranë popullit

Në fakt e vërteta është krejt ndryshe, populli është pa bukë, pa punë, në rrugë dhe me halle, kurse deputetët e Lulzim Bashës ata mandat-djegurit vazhdojnë të mbushin xhepat me paratë e shqiptarëve.

Dhe këtë e kanë bërë gjithmonë edhe kur kanë bojkotuar Parlamentin. Kujtojmë këtu, se mandatin e kaluar pra në sesionin 2013-2017, për të gjitha bojkotet që bënë deputetët e Partisë Demokratike hapën gjyqe në Gjykatën Administrative duke i quajtur politike qëndrimet e tyre, edhe pse bojkotuan 6 muaj Parlamentin.

Duke përdorur gjyqtarë të korruptuar dhe sistemin e korruptuar të drejtësisë, morën disa dhjetra miliona lekë nga taksat e shqiptarëve, edhe pse Parlamentin sipas tyre e kishin bojkotuar për kauza të drejta.

Bojkotin e bënë dhe paratë i morën. Sot kanë djegur mandatet dhe sërish paratë i marrin, ndërsa shqiptarët vazhdojnë të vuajnë pushtetin e Edi Ramës dhe Qeverinë e tij që i largon nga puna, ndërsa deputetët e Lulit mbushin xhepat me lekët që iu jep Edi Rama./ CNA.al

DogjÃ«n mandatet/ Ish deputetÃ«t e BashÃ«s vazhdojnÃ« tÃ« marrin pagat e majme