web counter
LEXO PA REKLAMA!

SHKARKO APP

App Store
Google Play

PD nuk i ndahet Valdrin Pjetrit/ Paralajmëron dokumenta të reja

12 Gusht 2019, 15:01, Politikë CNA

Partia Demokratike ka reguar sërish lidhur me debatin e hapur me kryebashkiakun e Shkodrës Valdrin Pjetri, icili u shpreh se nuk është ai e keqja e atij qyteti.

Në një njoftim për mediat, dega e PD-së Shkodër paralajmëron Pjetrin për publikimin e dokumentave të reja.

Përveç të tjerave, në deklaratën e saj PD-ja e Shkodrës ka bërë edhe një paralajmërim kundrejt Pjetrit, kur thotë se shqiptarët do kenë mundësi të shikojnë me letra (dhe jo trakte) se çfarë është për përfaqësuesin politik të Edi Ramës në Qarkun Shkodër data 27 Janar 2003.

Reagim i Partisë Demorkatike, dega Shkodër:

Trafikanti i Ramës në Shkodër qenka shqetësuar nga reagimi i qytetarëve të ndershëm të Shkodrës, që nuk pranojnë që qyteti të jetë peng i trafikantëve të drogës dhe përfaqësuesve të krimit të organizuar.

Mos u shqetëso nga letrat e reagimit qytetarë, që me urdhër të Edi Ramës i quan trakte. Ato nuk të cojnë në burg!

Shqetësohu nga letrat e autoriteteve ligjzbatuese italiane, QË NUK JANË TRAKTE dhe që provojnë se je një person i dënuar për trafik drogë. Këto letra të ndalojnë të uzurposh zyrën e Kryetarit të Bashkisë Shkodër, të cojnë në burg për fallsifikimin e Formularit të Dekriminalizimit dhe të bëjnë subjekt të menjëhershëm të ligjit Antimafia! Në këtë të fundit nuk të ndihmon dot as Edi Rama, as Tom Doshi, as babai dhe as vëllai.

E kot të të ripyesim a të kujton gjë data 27 Janar 2003, sepse e kemi të qartë që të ka marrë peng Edi Rama dhe nuk të lejon ta kujtosh.

E kot të presim për një përgjigje, sepse ti ke vendosur të mashtrosh dhe të fshihesh nga e vërteta njëlloj si Elvis Rroshi i Kavajës!

Prandaj nesër shqiptarët do kenë mundësi të shikojnë me letra (dhe jo trakte) se çfarë është për përfaqësuesin politik të Edi Ramës në Qarkun Shkodër data 27 Janar 2003.

Deri nesër ke kohë për të ëndërruar përralla me qentë e karvanët, që po të cojnë përpara, drejt greminës!/CNA.al

 





Lajmet e fundit nga