"Kombi, nyje në fyt!"/ Bushati mesazh politikës shqiptare me fjalët e Ismail Qemalit

9 Gusht 2019, 13:52, Politikë CNA

Në një moment kur vendi ndodhet në krizë politike dhe institucionale, ish-ministri i Jashtëm, Ditmir Bushati, ka zgjedhur pikërisht Ditën e Adhuruesve të Librit për t’i dërguar një mesazh ndryshe politikës shqiptare.

Përmes një postimi në rrjetet sociale, Bushati sjell në vëmendje fjalët e Isamil Qemalit, i cili thoshte se ?kombi është një nyje, një lëmsh që mblidhet në gjoks, që të shtrëngon, gati në dhimbje?.

Ish-kreu i diplomacisë shqiptare deklaron se fjalët e Ismail Qemalit duhet t?i shërbejnë shoqërisë dhe politikës shqiptare për reflektim dhe përulësi përballë historisë.

?Dija është antipodi më i qëndrueshëm i shoqërisë përballë krimit dhe fenomeneve negative?, vijon më tej Bushati teksa përpiqet t?iu bëjë thirrje palëve për të lënë mënjan mosmarrëveshjet dhe të reflektojnë.

Mesazhi i Bushatit:

Ismal Qemali në rrugëtimin e tij historik për mëvetësinë e Shqipërisë e shpjegonte në mënyrë elokuente fjalën ?komb?, që në shqip do të thotë ?nyje?. Një nyjë që të bëhet në fyt. Për shqiptarët e mi ? thoshte plaku i urtë ? përpara se të jetë një ide, një thelb historik, kombi është një nyje, një lëmsh që mblidhet në gjoks, që të shtrëngon, gati një dhimbje.

Kjo thënie e Ismail Qemalit të kujtohet sidomos kur sheh këtë Pasqyrë të gjendjes kulturore të vitit 1927, dëshmi e sakrificave për edukimin e kombit. Në fakt, forcimi i identitetit kombëtar nëpërmjet arsimit, artit e kulturës kanë qenë në themel të projektit të rilindasve tanë që në fillim të shekullit XIX, për një Shqipëri të përparuar, pavarësisht prapambetjes së saj.

Kjo tablo e vitit 1927 është dëshmia e gjallë sesi qytetet që kanë mbajtur peshën kryesore në historinë e vendit janë po ashtu në krye të përpjekjes për rrugën e dijes. Një varg sakrificash të cilat duhet të na shërbejnë për reflektim dhe përulësi përballë historisë që i ka rezistuar me dinjitet shtrëngatave, herë prej kohës e herë prej njeriut.

Dija është antipodi më i qëndrueshëm i shoqërisë përballë krimit dhe fenomeneve negative. Dija mbetet tipari dallues i shoqërive europiane, ku ne do të shkojmë si komb duke mbajtur me vete amanetin e parardhësve dhe premtimin për pasardhësit. #BookLoversDay U.S. Embassy-Tirana.