"Parlamenti pa opozitë"/ Çudit Lefter Maliqi

9 Gusht 2019, 11:32, Politikë CNA

Deputeti i opozitës së re, Lefter Maliqi i ftuar në studion e FaxNews ditën e sotme ka folur referuar krizës politike të cilën po kalon vendi.

Sipas Maliqit, problemi kryesor që shkaktoi krizën janë ndryshimet në kodin zgjedhor të 2008. Duke folur në lidhje me këtë çështje, me fjalë të tjera, deputeti i opozitës e ka cilësuar kërkesën e opozitës së re për ndryshimin e sistemit si lustra, pasi që në të vërtet atyre nuk iu intereson kjo gjë.

?Vendi është në një krizë të madhe të kapur për shkak të ndryshimeve në kodin zgjedhor të 2008. Ndodh që në krye të qarkut ka një analfabet dhe ai nuk përfaqëson popullin, por kreun e partisë. Prandaj gjasmë kjo opozitë e re ngre zërin në parlament për ndryshimin e sistemit. Por unë mendoj se ata nuk e duan një gjë të tillë. Nuk ju leverdisë.?

Maliqi u shpreh se dekreti i presidentit për anulimin e zgjedhjeve të 30 Qershorit ishte gjëja e duhur, ndërsa zhvillimi i tyre nga ana e mazhorancës ishin skandali i radhës për vendin. Ndërsa e cilëson Parlamentin si jo funksional për shkak të vakancave, sipas deputetit, presidentit Meta i lind çdo e drejtë për të shpërndarë këtë institucion.

?Presidenti bëri gjënë e duhur me dekretin e tij. Ai ka shmangur një përplasje civle. Zgjedhjet e 30 Qershorit ishin skandali i radhës. Kryeministëri nuk pyet as për gjykatë kushtetuese as për dekret presidenti. Vendimet e gjykatës së Durrësit dhe Vorës ishin për mosnjohjen e zgjedhjeve, por Rama nuk pyet për vendime gjykate. Parlamenti në bazë të kushtetutës duhet të ketë 140 deputet por nuk janë aq. Presidenti Meta ka çdo të drejtë ligjore për të shpërndarë parlamentin, pavarësisht se një gjë e tillë sërish mund të mos pranohet nga Rama.?, është shprehur Maliqi.

Po ashtu, ndërsa bie dakord me aksionin e opozitës jo parlamentare, Maliqi nuk ka hezituar të shprehë kritikat e tij edhe përsa i përket lëshimit të bashkive nga të djathtët kryebashkiakëve të rinj.

Ndër të tjera, gjatë bisedës në studio, Maliqi ka surprizuar me deklaratën se nuk ekziston një opozitë e re parlamentare, ndërsa shton se kjo është arsyeja pse vendi është duke shkuar drejt degradimit.

?Unë kam rezervat e mija ndaj opozitës. Protestat jashtë ishin shumë të mira gjëja e duhur, por unë mbetem kritik, përsa iu përket lëshimit të zyrave të kryebashkiakëve të rinj.

Opozita parlamentare është oksigjen dhe në mbrojtje të qevërisë. Opozitë të re nuk ka. Opozita është në rrugë. Nuk ka opozitë të re prandaj unë e ngreh zërin për shkrirjen e këtij parlamenti. Parlamenti ka mbetur pa përfaqësi opozitare.Vendi është në krizë, drejt degradimit.?, përfundon deputeti Maliqi./ CNA.al