web counter
LEXO PA REKLAMA!

SHKARKO APP

App Store
Google Play

"Do të godasim çdo biznes që i trajton njerëzit si skllevër"/ Nuk ndalet Rama

9 Gusht 2019, 13:32, Politikë CNA

Vijon puna për luftën kundër informalitetit. Në një status në rrjetet sociale, kryeministri Rama paralajmëron se do të godas me të gjithë forcën e ligjit, çdo biznes që i trajton njerëzit e zakonshëm si skllevër për të nxjerrë nga bataku i punës së zezë, sikurse shprehet ai, çdo punonjës.

?Nuk mund të pranohet më që ekonomistë, juristë, inxhinierë e deri edhe pronarë firmash, të deklarojnë pagë minimale për të shmangur detyrimet ndaj shtetit, ndërsa pjesën e luanit ta marrin në të zezë.?, shkruan kryeministri Rama, teksa shton se nuk do të ketë tolerancë ndaj abuzuesve.

Postimi i plotë:

Faqja tjetër e zezë e informalitetit është puna në të zezë! Mos regjistrimi i punonjësve, që do të thotë jo sigurim shëndetësor, jo sigurim shoqëror (pra jo vite pensioni për punën e bërë) është një skllavërim i papranueshëm i krahut të punës?

Do të godasim me të gjithë forcën e ligjit, çdo biznes që i trajton njerëzit e zakonshëm si skllevër dhe do të luftojmë, pa pushim, për të nxjerrë nga bataku i punës së zezë, çdo punonjës?
Ndërkohë, po përgatitemi për të sulmuar çibanin agresiv të kësaj faqeje të zezë, që janë deklarimet e rreme të pagave?Nuk mund të pranohet më që ekonomistë, juristë, inxhinierë e deri edhe pronarë firmash, të deklarojnë pagë minimale për të shmangur detyrimet ndaj shtetit, ndërsa pjesën e luanit ta marrin në të zezë?
#ZeroTolerancë?ndaj abuzuesve./CNA.al





Lajmet e fundit nga