web counter
LEXO PA REKLAMA!

SHKARKO APP

App Store
Google Play

Dorëzimi i bilanceve/ QKB bën njoftimin e rëndësishëm

31 Korrik 2019, 12:10, Ekonomi CNA

Qendra Kombëtare e Biznesit lajmëron të gjitha bizneset që kanë hasur vështirësi në dorëzimin online të bilancëve se nuk do të kenë penalitete edhe pse sot është zyrtarisht afati i fundit i dorëzimit të tyre.

Duke qenë se ky është viti i parë që sipas ligjit, është shtuar numri i pasqyrave financiare që duhet të deklarohen, QKB ka njoftuar se për shkak të mbingarkesës nuk do të ketë gjoba për ata që kanë një numër aplikimi.

Krahas dorëzimit online të pasqyrave financiare, që zgjaste mesatarisht disa minuta, tashmë është shtuar dhe plotësimi i një sërë dokumenteve të tjera, si raporti i ecurisë së aktivitetit të ekonomisë, informacion për aktivet, të ardhurat, numri mesatar i punonjësve, kodin e biznesit etj.

Bizneset janë ankuar vazhdimisht se sistemi është shumë i ngadaltë dhe faqja donte kohë të merrte dokumentet edhe gjatë qershorit e korrikut, ndërsa sot sistemi u bllokua.

?Lidhur me detyrimin ligjor për depozitimin e pasqyrave financiare për vitin 2018,  ju njoftojmë se subjektet të cilët kanë aplikuar online nëpërmjet portalit e-albania deri në datën 31.07.2018, (ora 24:00) dhe rezulton se aplikimi i tyre ka marrë një numër aplikimi (CN?), por për shkak të mbingarkesës së madhe të aplikimeve në të njëjtën kohë është bërë e pamundur plotësimi dhe dërgimi në mënyrën e duhur të pasqyrave financiare, nuk do të aplikohet kundërvajtje administrative në bazë të nenit 74, pika 3 e ligjit nr. 9723, datë 03.05.2007, ?Për regjistrimin e Biznesit?.

Ndëkohë të gjithë këto subjekte që kanë aplikuar, por që nuk kanë finalizuar me sukses aplikimin për arsyen e lartpërmendur duhet të përfundojnë aplikimin e nisur edhe pas datës 31.07.2019, dhe të dërgojnë në mënyrë përfundimtare pranë Qendrës Kombëtare të Biznesit pasqyrat financiare të vitit 2018 deri në datën 30.09.2019?, thuhet në njoftim./CNA.al





Lajmet e fundit nga