E fundit!

19:40 Politikë

Protestat/ Rama: Kur argumenti zëvendësohet nga sharja, përfundimi nuk është liria por fundi i saj

Kryeministri Edi Rama ka bërë një reagim në rrjetet social...

Denoncimi i deputetit: Ministrja Gjonaj fsheh dosjen e Drejtorit të Përgjithshëm të Burgjeve

26 Korrik 2019, 16:23, Denoncim CNA

Nëpërmjet një statusi të postuar në faqen e tij në rrjetet sociale ish zëvendësdrejtori i Përgjithshëm i Burgjeve, aktualisht deputet i listës së Partisë Demokratike për qarkun e Beratit, Lefter Maliqi, i është drejtuar ministres së Drejtësisë, Etilda Gjonaj.

“Znj.Ministre kur e prezantuat Drejtorin e Burgjeve ju nuk thatë të vërtetën rreth cv së tij. Nuk thatë se ai është më i paafti dhe më i dyshimti i emëruar në atë post të lartë. Pse e bëtë këtë kur dosjen e tij të të dhenave, karrierës, diplomës etj., ju e keni parë? Pse e mbani te fshehtë? Jepuani mediave ta publikojne e të shkrihen se qeshuri. Por dhe të binden se si “Rilindja” juaj e famëshme të emëron gjeneral pa grada.!

S’thonë kot leku hedh ujin përpjet dhe kjo është në themel të reformës suaj të famshme në drejtësi.
Pa merak se edhe këtë do jua bëj të ditur në Parlament shpejt ju dhe gjithë shqiptarëve, që po binden se gazeta gjërmane ” Bild” ka shumë të drejtë kur konstaton se mafia e bandat bëjnë emërimet. Pyetje znj.Ministre: Të dhëna të sigurta më thonë që një ish agjent i thjeshtë i SHIK-ut në Vlorë në 1997, me pas shifrant i thjeshtë tek Komisariati nr. 2 në Tiranë, në 2004-2005, me detyrë të mesme me Policinë Elektrike, i liruar dhe shkarkuar për shkelje të renda, si ka mundesi që me Rilindjen tuaj emërohet Drejtor i Përgjithshëm i AKU, ku ndonëse edhe aty bën abuzime, shantazhe, lirime, shkelje ligjore të konstatuara edhe nga KLSH – ja, që prej pesë muajve ushtron detyrën si Drejtor i Përgjithshëm i Burgjeve duke u vlerësuar si me i paafti në historinë e burgjeve? Kush e gradoi kaq lart? Çfarë arësimi ka? A e verifikoni dot diplomën e tij të shkollës së lartë? Kush janë klanet që e mbështesin e dini, apo skeni kurajo ta tregoni?

Znj. Ministre, mos valle ka ardhur koha të realizojmë një interpelance të dytë parlamentare bashkë veç këtë herë që ju të tregoni se kush ju urdhëron dhe pse e mbroni këtë Drejtor të paaftë?

Jua qaj hallin. Më mirë mbaj karrigen sesa të bësh detyrën sic duhet, më mirë interesi personal se ai shtetëror, më mirë hesht sesa të flasësh se po e bëre këtë i bashkohësh Gjiknurit, Ahmetajt, Mimit, Bushatit. Aq më tepër që ju sjeni deputete dhe ngeleni në rrugë fare se këta ish ministrat të paktën janë në Parlament. Ndaj ju uroj suksese në jetë së nuk është faji juaj që silleni si zëdhenëse e qeverisë, pasi shpata e Kalorësit ka prerë shumë koka socialistësh.

Mbetem në pritje për të thenë shumë të vërteta të hidhura në interpelancën me Kryeministrin Kalorës të cilit i janë verbuar sytë nga pushteti, krimi, korrupsioni dhe tepsia”, shkruan deputeti Lefter Maliqi, ish zvendësdrejtor i Përgjithshëm i Burgjeve./CNA.al