E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Skandal në UET/ Stafi akademik, tre muaj pa rroga

22 Korrik 2019, 11:04, Aktualitet CNA

Një denoncim ka mbërritur sot në redaksinë e CNA.al, sipas të cilit, Henri Çili prej tre muajsh nuk paguan stafin akademik të Universitetit Europian të Tiranës.

Një grup pedagogësh, kanë nisur një denoncim në redaksinë e CNA.al, sipas të cilit ?pronari i UET-it, Henri Naim Çili, po provokon opinionin publik me një libër me kujtime të Isuf Kalos, mjekut personal të Enverit, një libër për ne pervers dhe aspak shkencor, dhe një gjetje dinake e pronarit Çili për reklamë falas dhe për shmangien e vëmendjes nga situata dramatike ku ndodhet sot UET dhe ata që punojnë në të.?

Më tej, në denoncim thuhet se UET është i zhytur në borxhe, dhe se fajdexhinj privatë vijnë dhe kërcënojnë në ambjentet e universitetit, Henri Çilin.

?Në vend që të shqetësohet se si të paguajë stafin akademik dhe administrativ, ose të shlyejë borxhet dhjetëra miliona eurosh që ka marrë nëpër banka dhe fajdexhinj privatë që vijnë e kërkojnë dhe e kërcënojnë në ambjentet e universitetit, Henri interesohet vetëm për të kënaqur kuriozitetet e tij perverse, mbi shpeshtësinë dhe mënyrat që bënin dashuri Enveri me Nexhmien, apo kriminelët më gjakatarë që ka njohur historia shqiptare. Si duket, seksi dhe krimi komunist, janë eksitimi i vetëm për të.?-thuhet në denoncim.

Po ashtu stafi akademik pretendon se paga e fundit që kanë marrë është në muajin prill 2019.

?Paga e fundit që kemi marrë nga UET-i, është ajo e muajit prill 2019, pra kemi rreth 3 muaj pa marrë rrogat. Për pushime, as që bëhej fjalë të planifikonim gjë, por s?po dimë ku të fshihemi nga turpi, se kemi hyrë dhe ne në borxhe me miqtë tanë, dhe s?ua lajmë dot sipas afateve të premtuara.?-theksojnë pedagogët.

Sipas tyre, edhe pse Çili shpreson se studentët që do të regjistrohen për infermieri a për fizioterapi, do t?ia shpëtojnë universitetin nga falimentimi i sigurtë, që pritet të ndodhë në shtator, me këtë lëvizje që bëri, shumica e prindërve u tërhoqën nga plani për t?i çuar fëmijët e tyre të mësojnë teknika mjekësore nga dr. Kalo.

?Isufi, më shumë është i interesuar për teknikat seksuale të pacientëve të tij, duke e shpallur hapur në librin e tij se është vuajerist, deviacion ky i përbashëkët me Naim pronarin. Ky fakt përbën edhe rrezik për studentët që do t?i afrohen atij, ku më së shumti do të pyeten se sa herë dhe si bëjnë dashuri, sesa për shkencë dhe dije. Mos të flasim pastaj për kërkesat shumë të çuditshme që u bëjnë vuajeristët, të rinjve dhe fëmijëve që u afrohen, sipas manualeve të psikologjisë.

Ne po e bëjmë me dije problematikën tonë dhe e lëmë në dorë të publikut gjykimin për vendimet që do të marrë. Më mirë është që Çili ta shesë biznesin, ose ta shpallë falimentin që tashmë është fakt. Një pronar i ri, ose një administrim tjetër dhe më korrekt i UET, do të na shpëtonte të gjithëve nga bataku ku na ka futur, butaku Çili, liberali labinotas.?-përfundon denoncimi.