Bllokohet mikesha e Prokurores së Përgjithshme/ KLP "rrëzon" Arta Markun

22 Korrik 2019, 11:00, Aktualitet CNA

Këshilli i Lartë i Prokurorisë, ka bërë sot një sërë emërimesh në prokurori të ndryshme.

Një ndër emrat që priste sot emërim, ishte dhe Pranvera Gruda, e cila njihet si mikesha e Prokurores së Përgjithshme të përkohshme Arta Marku.

KLP, ka vendosur që të shtyjë shqyrtimin e kërkesave dhe miratimin e projekt-vendimeve për caktim në detyrë të Pranvera Grudës.

Pas diskutimeve, Këshilli kërkoi kohë deri në mbledhjen e ardhshme për t’u njohur në detaje me këtë rast por edhe me një tjetër.

Pranvera Gruda ka mbajtur pozicionin e ndihmëses ligjore ne Prokurorinë e Përgjithshme dhe tashmë aspironte për prokurore.

Gruda përfaqësoi Arta Markun në gjyqin me ish prokuroren Rovena Gashi.

Marku e largoi Gashin nga posti i Drejtores së Marrëdhënieve me Jashtë dhe Njësisë së Dekriminalizimit.

Por, sipas mikeshës së saj, që bëri avokaten në seancën gjyqësore, Arta Marku nuk ka shkelur asnjë ligj, ka respektuar Kushtetutën.

“Përkohësisht është detyra që do kryejë, por jo funksionet. Funksionet sipas ligjit i ka te plota. Kërkojmë rrëzimin e padisë. Gashi nuk është shkarkuar si prokurore por si drejtore drejtorie? ka thënë ajo në gjykatë.

Kujtojmë se Gashi e fitoi gjyqin ndaj Markut, shkallën e parë, dhe në atë kohë duket se ka menduar edhe për rehatimin e mikeshës së saj.

Duke lënë mënjanë vendimin e humbjes në Apel, prokurorja e përkohshme Arta Marku, duke ndjerë ikjen, ka nisur të kthejë nderet për miqtë që i qëndruar afër, gjatë kohës së dështimeve në krye të organit të akuzës.

KLP thuhet se është ndarë në dy grupe. Njëri grup që mbështet Arta Markut dhe pakica kundër vendimeve të saj.

Në mbledhjen e sotme të KLP-së, mungonte një prej besnikëve të Arta Markut, anëtari Besnik Cani, ndërkohë që shumica e mbështetësve të saj ishin të pranishëm.

Por, pavarësisht kësaj, Pranvera Gruda u bllokua në tavolinë dhe nga ana tjetër duket që KLP-së i kanë tërhequr veshin, ndoshta ata që i kanë emëruar.

Mos emërimi i Pranvera Grudës si prokurore, ndryshe përkthehet dhe si një sinjal që KLP po i dërgon Arta Markut, me shpresë që ajo ta kuptojë se po humb territor në Këshill./CNA.al

Pazaret e Arta Markut nÃ« ikje/ Zbulohet “shpÃ«rblimi” i fundit qÃ« kÃ«rkon nga KLP