Ish-ministri i Ramës në krah të Metës/ Sulmon ndërkombëtarët

3 Korrik 2019, 10:43, Aktualitet CNA

Ish-ministri i Drejtësisë në qeverinë ?Rama 1?, Ylli Manjani ka reaguar pas deklaratës së ambasadorit të BE-së, Luigi Soreca, i cili kërkoi që palët të ulen urgjent në dialog.

Në një postim në rrjetet sociale, Manjani shkruan se ?që ta mbledhë mendjen Soreca e të tjerët, Shqipëria ka nevojë për rivendosje të autoritetit Kushtetues!?

Sipas Manjanit zgjedhjet Parlamentare janë fillimi i zgjidhjes së çdo gjëje tjetër.

Kujotjmë se në lidhje me deklaratën e Sorecës ka reaguar edhe Meta i cili i ka drejtuar 10 pyetje Sorecës.

Reagimi i plotë:

Që ta mbledhë mendjen Soreca e të tjerët, Shqipëria ka nevojë për rivendosje të autoritetit Kushtetues! Kushtetuta është një dokument në letër që nuk legalizon dot asgjë nga ky realitet ku gjendet Shqipëria. Nuk po i hyj fare analizës se kush e ka fajin, por ky është fakt.Krejt i lexueshëm nga të gjithë, përfshi edhe ata që s?dinë të lexojnë. Organizimi shtetëror tashmë është i gjithi nën hyqmin e një partie të vetme. Parlamenti, qeveria, bashkitë, administrata, policia, drejtësia, ekonomia, shoqëria civile, universitetet, shkollat e madje edhe Akademia e Shkencave janë të gjitha të një partie dhe drejtohen nga një njeri i vetëm. Ndërkohë, Kushtetuta parashikon ndërtimin e një sistemi demokratik bazuar në pluralizëm qeverisje dhe jo autokratik e monopartiak. Ndaj detyra e shqiptarëve është rivendosja e autoritetit kushtetues, pra e sistemit demokratik. Kjo detyrë fillon të zbatohet ditën kur Shqipëria të bëhet më një parlament pluralist. Prandaj duhet një datë zgjeshjesh parlamentare asgjë tjetër. Kjo është krizë e politikës sonë që nuk e zgjidh më politika, as me dialog koti e aq më pak me reformën zgjedhore imagjinare që do ta votojë parlamenti monist i mbushur me idiotë e ?kopilë politikë?- siç thotë me të drejtë Akademik profesor Artan Fuga. Zgjedhjet parlamentare janë fillimi i zgjidhjet se çdo gjëje tjetër. Kjo Shqipëri nuk është gati t?i bashkngjitet Europës, megjithë dashamirësinë e Mogherinit që po na lë shëndenë? Zgjedhjet parlamentare, ku populli shqiptar të ketë mundësinë të zgjidhë krizën. Populli shqiptar e meriton ta ketë këtë mundësi, njësoj si populli Italian, Austriak, Spanjoll, Danez e madje eshe si popullo Serb, Maqedonas e Grek. Të gjithë këto popuj vendosin për parlamentin e qeverinë që duan. Pse jo Shqiptarët?! Kjo është çështja! Të tjerat janë pallavra.