web counter
LEXO PA REKLAMA!

SHKARKO APP

App Store
Google Play

KZAZ në shkolla/ Shpërthen Voltana Ademi: Do informojmë OSBE-në

29 Qershor 2019, 17:08, Aktualitet CNA

Kryebashkiakja e Shkodrës Voltana Ademi, ka reaguar e indinjuar përmes një postimi në rrjetet sociale, lidhur mbi shkeljen e urdhërit të saj nga KQZ-ja për të mos lejuar vendosjen e materialeve zgjedhore në KZAZ nr.4 që ndodhet në palestrën e shkollës 9-vjeçare  “Edith Durham”.

Ademi shkruan se ?po dokumentojmë hap pas hapi të gjitha këto akte të pakuptueshme ndaj pronave të qeverisjes vendore dhe po informojmë institucionet vendase dhe të huaja, si OSBE-ODIHR?.

Reagimi i plotë

KOMUNIKIM ME MEDIAT DHE QYTETARËT NGA BASHKIA E SHKODRËS

E indinjuar për mosrespektimin e urdhërit tim në lidhje me ambientet publike në pronësi të Bashkisë Shkodër nga KQZ-ja, urdhër i bazuar në Kushtetutë, Dekretin e Presidentit të Republikës, Ligjin 139/2015 ?Për vetëqeverisjen vendore?. Në cilësinë e kryetares së Bashkisë së Shkodrës, denoncoj publikisht ndërhyrjen e jashtëligjshme në institucionet në pronësi të qeverisjes vendore nga ana e Policisë së Shtetit.

Këto veprime të pastra diktatorialo-politike, për hapjen e dhunshme me thyerje e dëmtim të institucioneve publike, po dhunojnë haptas dhe ditën për diell vlerat demokratike. Gjithashtu janë duke njollosur të drejtën e votës së lirë, të pa manipuluar, të barabartë apo të blerë nga mafia.

Ne po monitorojmë dhe dokumentojmë hap pas hapi të gjitha këto akte të pakuptueshme ndaj pronave të qeverisjes vendore dhe po informojmë institucionet vendase dhe të huaja, si OSBE-ODIHR.

Ne kemi qenë, jemi dhe do të vazhdojmë të punojmë e lufftojmë për një Shqipëri brenda familjes Europiane, e cila dinjitetin dhe lirinë e personit njerëzor i vlerëson shtylla të zhvillimit./CNA.al

 





Lajmet e fundit nga