E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Skandali me testet e Maturës/ Zbardhen të tjera detaje

27 Qershor 2019, 09:31, Aktualitet CNA

CNA.al në vazhdimësi ka denoncuar vonesat gjatë korrigjimit të testeve si dhe të tjera skandale që kanë shoqëruar provimet e Maturës Shtetërore.

Sikurse ka raportuar CNA.al, rezultati i provimeve është dhënë me vonesë, dhe gjithçka është bërë me urdhër të Ministres së Arsimit, Besa Shahini, duke penguar kështu maturantët që të arrijnë të aplikojnë në kohë për studime në shtete të tjera.

Por, përtej kësaj, një tjetër denoncim ka mbërritur në redaksinë tonë, i cili tregon skandalin që ka ndodhur në lidhje me korrigjimin e testeve të Maturës Shtetërore.

Sipas denoncuesit, i cili është edhe vetë pjesëmarrës në provim, i gjithë procesi i vlerësimit ka qënë skandaloz. Por, CNA.al ka bërë disa verifikime, dhe denoncimi është një fakt që qëndron.

Denoncuesi thekson se ?Me qënë se jam edhe vetë pjesëmarres, kam arsye të dyshoj se jo vetëm notat e provimit, por i gjithë procesi i vlerësimit ka qënë më e pakta skandaloz, për të mos thënë tendencioz.?

Mes arsyeve, të cilat ai i rendit si fakte që vërtetojnë korrigjimin skandaloz, është se ? Piket e paraqitura në tabelat e vlerësimit kanë probleme serioze. P.sh., tek pikët e fituara nga pyetjet me alternativë, ka studentë që kanë fituar 15 pikë në total. Problemi është se në total, pyetjet me alternativë kanë qënë vetëm 13 dhe secila vlerësohej me nga 1 pikë. Pra, në total mund të fitoheshin vetëm 13 pikë.?

Më tej, ai shprehet se në skemë vlerësimi, shkruhet se nxënësi mund të vlerësohej me pikë edhe në rastin kur përgjigja nuk ishte e njëjtë me atë të skemës së vlerësimit.

?Në rastin tim, por edhe të shumë të tjerëve që njoh, kjo nuk është zbatuar dhe korrigjimi është bërë egërsisht dhe me mediokritet. Një lexim i thjeshtë i provimit mund të demonstrojë qartësisht origjinalitetin e mendimit tim dhe kompetencën në fushën gjuhësore e letrare, për të mos përmendur konfidencën në zoterimin e tekstit letrar, marrë nga një roman të cilin e njoh përmëndësh dhe një autor të cilit ia njoh të gjithë krijimtarinë, dhe e njëjta mekanike mediokre është perdorur edhe në provimet e disa kolegëve të shkollës.?.

Po ashtu, denoncuesi deklaron se në të gjithë pasqyrën e notave të shkollës është vënë re një diskordancë e madhe, pasi shumë nxënës të cilët kanë ofruar përgjigje të përaferta me ata që kanë marre vlerësime pozitive (nota 8 e lart), janë vlerësuar minimalisht (me notën 5 ose edhe me pak), ndërkohë që disa nxënës të tjerë kanë marrë vlerësim maksimal pa shkruar asgjë, gjë kjo e cila të bën të dyshosh për mangesi në procesin e vlerësimit apo edhe të hedhjes së notave.

?Rasti i këtyre vlerësimeve është tashmë një gjë e përsëritur, pasi edhe në vitet e tjera, më flagrantja ka ndodhur vjet, ka një tendencë të tillë vetëm në fushën e Letërsisë. Sic dihet, kjo është një fushë subjektive dhe lipset që mësuesit që marrin pjesë në korrigjim të trajnoheshin dhe të kishin njëfare lirie për të parë më me subjektivitet përgjigjet.?-thuhet në denoncim./ CNA.al

Ministrja e Ramës përfshihet sërish në skandal/ Si dështoi Matura Shtetërore

Si i gënjeu publikisht maturantët/ Zbulohet mashtrimi i Besa Shahinit

Ministrja e Arsimit teston mësuesit e 9-vjeçares, me testet e maturantëve

Skandal/ Ministrja nga Kosova po saboton ikjen jashtë të maturantëve

Skandali me provimet/ Ja si ministria e Arsimit pezullon maturantët për shkollim jashtë vendit