web counter
LEXO PA REKLAMA!

SHKARKO APP

App Store
Google Play

KiE anuloi misionin vëzhgues/ Basha: Ky është distancim i qartë nga zgjedhjet

26 Qershor 2019, 12:37, Aktualitet CNA

Kreu i Partisë Demokratike, Lulzim Basha, foli gjatë një konference për mediat lidhur me faktin që KiE anuloi misionin vëzhgues për zgjedhjet e 30 qershorit.

KiE ka sqaruar se po ndiqet kjo rrugë për shkak të pasigurisë dhe rrezikut të mundshëm në zona të ndryshme zgjedhore.

Basha ka thënë ndër të tjera se ky veprim i KiE vjen për shkak se ata janë distancuar nga zgjedhjet njëpartiake të Edi Ramës.

?Terheqja e Keshillit te Europes është distancim nga 30 Qershori i paligjshem i Edi Rames Sot bota perëndimore dha sinjalin e parë, të qartë dhe të prerë, se 30 Qershori nuk është ditë zgjedhjesh në Shqipëri.

Vendimi i Kongresit të Autoriteteve Rajonale e Lokale të Këshillit të Europës për të anulluar dërgimin e Delegacionit Vëzhgues për farsën elektorale që po tenton të zhvillojë Edi Rama, është fakt kuptimplotë se në 30 Qershor nuk ka zgjedhje në Shqipëri.

Për herë të parë nga rënia e komunizmit, Këshilli i Europës ka vendosur të mos dërgojë Delegacion Vëzhgues për zgjedhjet, pavarësisht ftesës që i ka bërë Qeveria shqiptare. Këtë vendim Këshilli i Europës e ka marrë jo sepse ia ka kërkuar opozita, por sepse 30 Qershori nuk është ligjërisht ditë zgjedhjesh në Shqipëri.

Ky është një vendim qartësisht politik sepse është një tërheqje që Këshilli i Europës nuk e ka bërë as për zgjedhje të zhvilluara në zona konfliktesh të armatosura apo konflikti civil nga Ukraina në Gjeorgji nga Armenia dhe Azerbajxhani apo edhe gjatë konfliktit të armatosur në Maqedoni.

Duhet të mbahet parasysh se Këshilli i Europës është institucioni kryesor i monitorimit të zgjedhjeve vendore në Europë. Tërheqja e Këshillit të Europës, institucionit kryesor europian të mbrojtjes së të drejtave të njeriut dhe demokracisë, është distancim i qartë nga votimet farsë një-partiake, anti-demokratike dhe anti-kushtetuese që kërkon të bëjë Edi Rama.? ka thënë Basha ndër të tjera./CNA.al





Lajmet e fundit nga