Lulzim Basha pa shkollë/ Nuk pranon të japë autorizimin për verifikimin e universitetit

3 Qershor 2019, 09:35, Aktualitet CNA

Kryetari i Partisë Demokratike, Lulzim Basha ka gënjyer në lidhje me diplomimin e pretenduar në Holandë. Të paktën kështu kanë raportuar mediat, që në dhjetor të vitit 2018.

Sipas këtyre informacioneve, Lulzim Basha e ka filluar shkollën në vitin 1993 dhe e ka përfunduar në vitin 2005. Pra, i janë dashur 12 vite për të përfunduar shkollën, nga të cilat në 6-të vite mori vetëm diplomën e 1 viti përgatitje dhe me korrespondencë përfundoi studimet kur ishte në Kosovë.

Pas publikimit të këtij skandali, Lulzim Basha vetëm ka heshtur dhe një lajm i tillë, as nuk është mohuar dhe as nuk është pranuar ende nga kreu i PD-së.

CNA.al me qëllimin e vetëm zbardhjen e së vërtetës, i ka drejtuar një letër zyrtare Universitetit të Utrecht, ku Lulzim Basha pretendon se ka mbaruar studimet.

Në përgjigje të letrës që i drejtoi CNA.al, administratorja e universitetit në fjalë, Christina Jeliazkova konfirmon se letra është marrë në 23 prill 2019, por si kusht për ofrimin e informacionit, zonja Jeliazkova sqaron se duhet bashkëlidhur një deklaratë, me të cilin Lulzim Basha pranon që Universiteti të japë kopje elektronike të gjithë sa kërkojmë si dhe duhet paguar një tarifë shërbimi.

Pas kësaj përgjigje, me datë 25.04.2019, CNA.al i është drejtuar me një letër kreut të PD-së, Lulzim Basha, ku kërkon autorizimin për marrjen e informacionit.

Por, si gjithmonë Lulzim Basha pretendon që skandalet t?i mbulojë me heshtje. Edhe pse kanë kaluar më shumë se një muaj që nga data që CNA.al i ka drejtuar këtë kërkesë, ende nuk kemi marrë asnjë përgjigje nga Lulzim Basha.

Lulzim Basha, si lider perëndimor që pretendon se është, minimumi do duhej të jepte autorizimin, për të sqaruar mbështetësit e tij, sesi qëndron e vërteta.

Basha pretendon se do jetë kryeministri i ardhshëm i Shqipërisë. Por, shqiptarët nuk duan një tjetër ?Edi Ramë? në krye të qeverisë. Nëse Lulzim Basha nuk ka asgjë për të fshehur dhe nëse vertëtë është diplomuar në Holandë, në Universitetin e Utrecht, le të japë autorizimin për publikimin e informacionit që kërkojmë dhe të bëjë gjithçka transparente në lidhje me CV-në e tij.

Ne jemi të gatshëm të paguajmë çdo lloj pagese që kërkon Universiteti i Utrecht për shërbimin që kërkojmë, mjafton që Lulzim Basha të pranojë të japë autorizimin./ CNA.al

Hesht për skandalin e diplomimit në Holandë/ Çfarë fsheh Lulzim Basha?

CNA kërkon të vërtetën e shkollimit të Bashës/ Universiteti përgjigjet, kërkon autorizimin e kreut të PD-së

Skandal, 12 vjet për t’u diplomuar/ Lulzim Basha fsheh shkollimin