Luli dhe realiteti/ Në Shkodër në pallat sporti, në Korçë në sallën e kinemasë

8 Maj 2019, 14:34, Aktualitet CNA

Lulzim Basha ka filluar një tur në qytete në prag të mitingut të së shtunës më 11 maj, ku ka premtuar rrëzimin e Edi Ramës. (Megjithëse Rama sipas Lulit ka rënë me 16 shkurt).

Në fakt, në këtë tur Luli mund të shohë të vërtetat në sy dhe të kuptojë ato që CNA.al ka disa vite që ia shkruan, shpartallimin e strukturave në bazë, luftën e klaneve, servilët e paaftë dhe dështimin që ka në shumicën e degëve të jugut të vendit.

Dje Basha ishte në Shkodër, në pallatin e sportit, por turpësisht u bojkotua nga kreu i listës së tij. Dhe e bëri takimin në pallat sporti, se aty ka Bashkinë, në të kundërt do ishte në sallë të mbyllur me 200 petrita.

E në rast se do të fitojë dhe do të shembë sistemin, dje Shkodra duhej të ishte në shesh si uragan e jo në një pallat sporti që në opozitën e vërtetë të PD e mbushte FRPD dhe Besnik Kastrati i vetëm. Sot mezi e mbush Luli 50 mijë sms e njoftime dhe Bashkinë e Shkodrës nën drejtim.

Në Korçë edhe më keq akoma. Luli është mbyllur në një sallë me 200 vende dhe aty iu jep leksion korçarëve, një deputetet skandalesh erotike si Ervin Salianji, një deputet me lidhje me krimin në familje, por edhe një deputet që akuzohet se ka montuar audio përgjime. Le pastaj kur ju flet për Fahriun dhe të birin, nuk e ke idenë sa shumë të mbështesin.

E në rast se vlerat që mund t’ju shfaqësh qytetarisë korçare janë këta sharlatanë politikë, ajo salla me 200 vetë rradhën tjetër do jetë gjysma bosh.

Në videon me makina që Luli nxjer ne rrjetet sociale kur është rrugës për në Korçë ta mësojë se janë makinat e administratës të Bashkisë Devoll, se korçarë nuk dukeshin hiç ose janë me pak se eskorta Lulit.

Në Korçë, Basha nuk tentoi të shkonte në pallatin e sportit. Nuk ka shkuar asnjëherë të bëjë takim atje, as mitingje të mëdha në shesh, gjithmonë është vërtitur me 300 apo 400 vetë dhe sot ka rezultatin më të dobët historik në 30 vite pluralizëm.

Shkodra duhet të ishte në shesh, Korça duhej të ishte në shesh, por Shkodra është në pallat sporti e Korça e mbyllur në një sallë.

Se përse mungojnë njerëzit dhe nuk janë aq shumë, këtë Luli e di mjaft mirë. Ai është arkitekti. Ai si ortak i Edi Ramës që e mbajti në pushtet në zgjedhjet e vitit 2017 dhe sot si ortak i LSI dhe Ilir Metës që e sollën Ramën në pushtet.

?Kur të do Korça të do Shqipëria? ka thënë një shprehje doktor Berisha mbi 20 vite më parë, prandaj Luli, kur s’të do Korça nuk të do Shqipëria, sepse ti je pazari dhe vasali i Edi Ramës, ti je vegla e familjes dhe 16 milionë eurove në Vlorë, ti je peng dhe jo alternativë përballë të keqes me emrin Edi Rama./CNA.al