E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Nga autobusi me hidrogjen, tek trami dhe Qeveria tranzitore/ Projektet imagjnare të Lulit

3 Maj 2019, 10:23, Aktualitet CNA

Kreu i Republikës së re, Lulzim Basha duket se i merr seriozisht shumë punët e politikës.

Prej rreth tre muajsh, e ka rrëzuar Ramën, të paktën tre herë, në mendjen e tij, kjo kuptohet. Ndërsa pasi e ?rrëzoi? Ramën, ditën e djeshme shpalosi edhe detyrat e Qeverisë tranzitore, që ka ndërmend Luli.

Detyrat e Qeverisë Tranzitore të Bashës, duken të njëjta me ato të Qeverisë teknike, të 2017-ës, pas marrëveshjes me Ramën, e cila i shkaktoi PD-së, një humbje katastrofale në zgjedhjet e 25 qershorit.

Por, po i lëmë këto detaje dhe po sjellin në vëmendje një tjetër projekt madhor, që Luli e realizoi, edhe kjo në mendjen e tij kuptohet. Bëhet fjalë për Tramin e Tiranës, me të cilin dje i bënte xhiro qeverisë së tij tranzitore, bashkë me Monen në krah.

Në vitin 2014, në kohën që Lulzim Basha drejtonte Bashkinë e Tiranës, në një dalje publike tha se e ka mbajtur premtimin për tramin.

?Tre vite më parë e premtuam, disa edhe e mosbesuan, por sot kemi mbërritur në projektin e lëvizjes përmes tramit në Tiranë. Tre vite më parë në garën për kryebashkiak shpalla synimin tim: zhvillimin e qytetit me prespektivë të qendrueshme, 3 vite më parë gjetëm një Tiranë që me shumë urgjencë duhej të gjenin zgjidhje për planin urban zhvillimin ekonomik dhe punëismin. Mungonin studimet ku mund të bazoheshim, por ama kishim dicka thelbësore, vizionin dhe vullnetin. Pjesë e këtij vizioni ishte dhe trami?, u shpreh Basha, në atë kohë.

Por, prisni se ka edhe më shumë, për të gjithë ju që e keni harruar, ju kujtojmë këtu se Luli bëri ?realitet? edhe një tjetër projekt madhor.

Në vitin 2012, Lulzim Basha, në atë kohë kryetar i Bashkisë së Tiranës, shpalli studion arkitekturore, ?Grimshaw? si fituesen për projektin e Bulevardit të ri dhe rehabilitimin e lumit të Tiranës. Dhe një ndër pikat kryesore të këtij projekti, që sigurisht Basha e ?realizoi? në imagjinatën e tij, ishte edhe ?Krijimi i energjisë nëpërmjet përpunimit të mbetjeve dhe autobus me hidrogjen që ngjitet në kodrën e Paskuqanit.?

Do të mjaftonin këto projekte madhore, të ?realizuara? nga Luli, që qytetarët ta votojnë nesër si kryeministër i Republikës së re./ CNA.al

Video-Luli bën realitet Qeverinë Tranzitore/ I bën xhiro në tram

Qeveria me ndërmend e Lulit/ Si i fitonte Basha ndryshe 16 milionë euro?!