LEXO PA REKLAMA!

SHKARKO APP

Terror dhe dhunë në Venezuelë/ Guaido thirrje të fortë protestuesve

1 Maj 2019, 07:10, Aktualitet CNA
Terror dhe dhunë në Venezuelë/ Guaido thirrje të fortë

Pas përleshjeve të dhunshme të një dite më parë në Venezuelë, lideri i opozitës Juan Guaido ka bërë thirrje që mbështetësit e tij të dalin përsëri në rrugë.

Pavarësisht se Guaido ka bërë thirrje për grusht shteti, presidenti Nicolás Maduro, të cilin kreu i opozitës po përpiqet ta rrëzojë, mbetet sfidues përkundër protestave.

Në një fjalim televiziv ai përshkroi mbështetësit e Guaido si një “grup të vogël”, plani i të cilit kishte dështuar.

Ndërkohë, administrata amerikane pretendon se Maduro ishte gati të udhëtojë për në Kubë për t’i shpëtuar trazirave.

“Ata kishin një aeroplan në pista, dhe ai ishte gati të largohej mëngjesin e së martës, siç ne e kuptojmë. Rusët kanë ndikuar që ai të qëndrojë”, tha sekretari amerikan i shtetit, Mike Pompeo për CNN.

Zyrtarët e lartë amerikanë gjithashtu thanë që tre figura të rëndësishme në qeverinë e Maduro kishin rënë dakord që presidenti duhej të largohej nga vendi, por më vonë u kthye prapa.

Këshilltari i Sigurisë Kombëtare i Shteteve të Bashkuara John Bolton tha se mes tyre mendohet se përfshihej edhe Sekretari i  Mbrojtjes Vladimir Padrino,  i cili që atëherë riafirmoi mbështetjen e tij dhe u shfaq pranë Maduro në fjalimin e tij televiziv.

Lajmet e fundit nga