web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet ekzekutimi i dy vëllezërve në Shkodër/ Arrestohen autorët e dyshuar

26 Prill 2019, 07:17, Aktualitet CNA

Policia ka bërë të mundur zbardhjen e vrasjes së dy vëllezërve Bilali, më 30 mars 2019 në Shkodër.

Mësohet se policia ka bërë të mundur prangosjen e dy personave, si autorë të dyshuar të vrasjes, ndërsa dy të tjerë janë shpallur në kërkim.

Në pranga kanë rënë shtetasit: -A. S., 29 vjeç, lindur dhe banues në fshatin Mjedë, bashkia Vau i Dejës, si dhe  M. R., 23 vjeç, lindur dhe banues në fshatin Mjedë, bashkia Vau i Dejës.

Ndërsa është shpallur në kërkim, shtetasi I. L., 26 vjeç, si i dyshuari kryesor për veprën penale të vrasjes, si dhe  shtetasi D. B.,  29 vjeç, për veprën penale të ?Përkrahja të autorit të krimit”. Vijon operacioni për gjetjen dhe kapjen e tyre.

Njoftimi i policisë:

Zbardhet vrasja e dyfishtë, e ndodhur më 30 mars 2019, ku mbetën të vrarë dy vëllezër.

Finalizohet operacioni policor i koduar “Livadhe”

Operacioni me metoda speciale të hetimit nga DVP Shkodër, Drejtoria për Krimet e Rënda në Departamentin e Policisë Kriminale, nën drejtimin e Prokurorisë së Rrethit Gjyqësor Shkodër

Në pranga dy persona si autorë të dyshuar të vrasjes. Shpallen në kërkim dhe dy persona të tjerë.

Në lidhje me zbardhjen e ngjarjes së ndodhur në 30 mars 2019 ku mbetën të vrarë dy vëllezër, nga Drejtoria e Përgjithshme e Policisë së Shtetit u ngrit një grup i posaçëm hetimor në bashkëpunim me DVP Shkodër dhe nën drejtimin e Prokurorisë Shkodër.

Si rezultat i një pune të mirëorganizuar nga ana e DVP Shkodër, në bashkëpunim me Prokurorinë pranë Gjykatës Së Shkallës së Parë Shkodër, me mbështetjen e Drejtorisë  së Forcës së Posaçme  Operacionale në Policinë e Shtetit, u zhvillua operacioni policor i koduar ?Livadhe? duke u finalizuar me  ekzekutimi i urdhrave të  ndalimit, datë 25.04.2019, të lëshuara nga Prokuroria pranë Gjykatës së Shkallës së Parë Shkodër, për ndalimin e shtetasve:

– A. S., 29 vjeç, lindur dhe banues në fshatin Mjedë, bashkia Vau i Dejës, i dyshuar për veprën penale ?Vrasja me paramendim kryer në bashkëpunim” dhe ?Prodhimi dhe mbajtja pa leje e armëve luftarake dhe municionit?.

– M. R., 23 vjeç, lindur dhe banues në fshatin Mjedë, bashkia Vau i Dejës, i dyshuar për veprën penale ?Vrasja me paramendim kryer në bashkëpunim” dhe ?Prodhimi dhe mbajtja pa leje e armëve luftarake dhe municionit?.

U bë shpallja në kërkim e shtetasit I. L., 26 vjeç, si i dyshuari kryesor për veprën penale të vrasjes, si dhe  e shtetasit D. B.,  29 vjeç, për veprën penale të ?Përkrahja të autorit të krimit”. Vijon operacioni për gjetjen dhe kapjen e tyre.

Pas hetimeve intensive të kryera në drejtimin e Prokurorisë Pranë Gjykatës së Shkallës së Parë Shkodër, rezulton se shtetasit e lartpërmendur kanë planifikuar, organizuar dhe kryer në bashkëpunim këtë vrasje.

Si rezultat  i punës së vazhdueshme intensive me metodat speciale të hetimit, nga grupi i posaçëm hetimor, u bë sigurimi i provave materiale dhe shkencore, të cilat çuan në dokumentimin ligjor të kësaj ngjarjeje.

Gjatë veprimeve hetimore u bë sekuestrimi i një automjeti, tre aparateve telefonike celulare, të cilët janë përdorur nga autorët gjatë kryerjes së veprimeve të tyre.

Vazhdon puna për hedhjen dritë mbi motivin e kësaj ngjarjeje dhe identifikimin e personave të tjerë të përfshirë.

 

Materialet i kaluan Prokurorisë pranë Gjykatës së Shkallës së Parë Shkodër, për veprën penale ?Vrasja me paramendim kryer në bashkëpunim” dhe ?Prodhimi dhe mbajtja pa leje e armëve luftarake dhe municionit?.





Lajmet e fundit nga