web counter
LEXO PA REKLAMA!

SHKARKO APP

App Store
Google Play

Shpërthejnë përplasjet për Reformën në Drejtësi/ Gent Ibrahimi kërcënon me dorëheqje

5 Prill 2019, 06:52, Aktualitet CNA

Rikthehen debatet sa i takon Reformës në Drejtësi. Shembja e sistemit aktual dhe futja në gjyqësor e personave jo të korruptuar duket se është një mision tepër më i vështirë sesa ishte menduar kur u hartua reforma në drejtësi.

Rrëzimet që u janë bërë disa neneve nga Kushtetuesja, mungesa e akteve nënligjore, mungesa e stafeve dhe infrastrukturës po krijojnë shumë probleme për organet e reja dhe veçanërisht për Këshillin e Lartë të Prokurorisë dhe për Këshillin e Lartë Gjyqësor.

Por gazeta Sot raporton se situata është tensionuar ndjeshëm në Këshillin e Lartë të Prokurorisë kohët e fundit.

Ky organ ka mbi vete presionin për të ngritur sa më shpejt Strukturën e Posaçme Antikorrupsion, Byronë e Hetimit dhe zgjedhur Kryeprokurorin. Por puna nuk po ecën aspak vaj. KLP nuk ka ende një godinë të veten, ndërsa po ashtu i mungon dhe stafi asistues.

Kryetari Gent Ibrahimi në një nga mbledhjet e fundit ka kërcënuar se do japë dorëheqjen. Sipas tij, punët nuk po ecin aspak si duhet dhe situata është tepër kaotike. Ibrahimi ka thënë se KLP nuk ka ende kushtet e përshtatshme që të mundësojë një proces të drejtë dhe transparent.

Po ashtu dhe anëtarë të tjerë kanë nisur të shfaqin ankesa ndaj qeverisë e mazhorancës, duke kërkuar më shumë kushte. Problemi më i madh për KLP është godina dhe në shumë raste ata detyrohen të zhvillojnë mbledhjet te ish-KLD. Por po ashtu po hapen problem me rekrutimin e stafeve. Të gjitha këto duket se kanë irrituar Ibrahimin, i cili ka kërcënuar se nëse shteti nuk ndërhyn dhe zgjidh situatën do largohet.





Lajmet e fundit nga