LEXO PA REKLAMA!

SHKARKO APP

Prokuroria i lë Bashës "bombën në duar"/ Reagon PD

25 Mars 2019, 15:09, Aktualitet CNA
Prokuroria i lë Bashës "bombën në duar"/ Reagon PD

Partia Demokratike ka reaguar pas përgënjeshtrimit që Prokuroria bëri ndaj Lulzim Bashës.

Sipas PD, deklarata e sotme e Prokurorisë është e paligjshme, e gënjeshtërt, e paprecedentë, vetëdiskredituese dhe e gatuar politikisht.

“Dalja me konkluzione hetimore ende pa përfunduar hetimin, si asnjëherë më parë në këto 30 vjet, tregon se Prokuroria po përdoret politikisht dhe po i shërben propagandës qeveritare kundër opozitës së vendit”, thuhet në njoftimin për mediat.

Partia Demokratike, thotë më tej, se nuk ka shkelur asnjë ligj dhe se ka deklaruar të gjitha shpenzimet e kryera në vitin 2017.

“Pasi gënjeshtra e madhe që kishte ngritur për hetimin e Partisë Demokratike i plasi në dorë, pas informacioneve të ardhura nga SHBA dhe Skocia, Edi Rama në dëshpërim ka vendosur të përdorë sërish prokurorinë duke e kthyer nga institucion të ligjit në institucion qesharak propagandë”, përfundon reagimin PD./CNA.al

 

 

 

 

Lajmet e fundit nga