web counter
LEXO PA REKLAMA!

SHKARKO APP

App Store
Google Play

"Je qesharak komplet"/ Qytetarët kapin mat Ramën

24 Mars 2019, 07:48, Aktualitet CNA

Edhe pse jo zyrtarisht fushata për zgjedhjet lokale ka nisur. Kampet politike, të ndara në Kuvend dhe në protestë, nuk i ndalin akuzat ndaj njëri-tjetrit.

Ndërkohë, kryeministri Edi Rama, vijon si ço ditë të përshëndesë qytetarët nga rrjetet sociale, me video ose foto projektesh.

Sot Rama, mirëmëngjesin e ka uruar me një video nga qyteti i Pukës, që sipas tij është transformuar në një destinacion turistik.

“Mirëmëngjes dhe me këto pamje të transformimit të Pukës nga një zonë e braktisur për vite të tëra, në një destinacion të jashtëzakonshëm turistik, ju uroj një të dielë të bukur”, shkruan Rama në rrjetet sociale.

Por, qytetarët kanë qenë të gatshëm për ta përgënjeshtruar, deklaratën e tij.

“Çfarë qendre turistike Puka more z. Rama, natën duket si film horror, pse ja fut kot, pse ja bën qejfin vetes”, reagon një qytetarë.

Ndërsa një tjetër duket se e ka kapur mat në video.

” Nga 60 sekonda spot, 55 sekonda janë me plane nga uji i liqenit dhe pylli i pishave. Je qesharak komplet”, shkruan qytetari.

Sipas qytetarëve Rama po gënjen veten se është duke punuar, ndaj merr të tilla iniciativa në rrjetet sociale.

“Mos gënje veten kot po qe se je i bindur se je duke punuar mirë, çoje veten dhe partinë tënde në votime dhe mos e agravo më shumë situatën”, i bën thirrje një qytetar.

Për të tjerë qytetar, kjo që bën Rama në rrjetet sociale, s’ është asgjë më shumë se reklamë.

“Edhe Mokra destinacion turistik është, por s’ka rrugë ku të shkelësh. Boll reklamove. Në fund të fundit punën tënde bëre”, shkruan i indinjuar një qytetar./CNA.al





Lajmet e fundit nga