web counter
LEXO PA REKLAMA!

SHKARKO APP

E fundit!

x

"Deti nuk ka portë"/ Poezia e Aleksandër Çipës prezantohet në Korçë

20 Mars 2019, 21:19, Aktualitet CNA

Mesditën e sotme, në sallen e Bibliotekes së Universitetit “Fan S. Noli” të qytetit të Korçës, është promovuar libri më i ri i poetit dhe gazetarit Aleksandër Çipa, “Deti nuk ka portë”.

Enti botues i librit është “Dritero”, kurse në takimin promovues u pjesëmorrën shkrimtare, artiste, gazetare, pedagoge, mesues te letersise, studente dhe lexues te poezise.

Pas fjalës së autorit Çipa, nga diskutantët përmbajtja e më shumë se njëqind poezive u vlerësua si një risi e sjellë në poetikën shqipe, ndërkohë që vargjet, sa moderne aq dhe me shtrat tradicional, u perifrazuar “të mbështjellë mes ndjesive të forta, që të rrëmbejnë e të marrin me vete në sinqeritetin e tyre”.

Stili i autorit u theksua nga shumica e diskutantëve është “krejt unik e përfshirës edhe për më indiferentin e poezisë”.

Deti nuk ka portë” sot në Korçë, në qytetin më të përkorë”, do të shkruante autori në përfundim të aktivitetit, që ishte vijim i turit prezantues që ka ndërmarrë shtëpia botuese “Dritero” dhe autori.

Prezantimi në qytetin e Korçës është i treti pas atyre të mëparëshmve në qytetin e Gjirokastrës dhe Sarandës./CNA.al

 

 

 





Lajmet e fundit nga