web counter
LEXO PA REKLAMA!

SHKARKO APP

App Store
Google Play

Ngec në “rrjetë”/ Shkarkohet prokurori Arqile Koça

8 Mars 2019, 11:05, Aktualitet CNA

Komisioni i Pavarur i Kualifikimit ka shkarkuar nga detyra, prokurorin e Prokurorisë së Përgjithshme, Arqile Koça.

Trupa gjykuese e përbërë nga Etleda Çiftja, Roland Ilia dhe Firdes Shuli, verifikuan  figurën e tij, vendosën shkarkimin nga detyra të prokurorit Koça.

Kujtojmë këtu se prokurori Arqile Koça ishte një nga prokurorët që garuan për karrigen e Kryeprokurorit të Shtetit.

Koça ka qenë pjesë e grupit hetimor për dosjen ?Gërdeci? si dhe pjesë e grupit hetimor për çështjen e vrasjes së Azem Hajdarit.

Kjo sa i përket aspektit profesional, por duket se në CV-në e aspektit pasuror, prokurori Arqile Koça e ka më të pasur.

Në kohën që garonte për postin e Kryeprokurorit, mediat publikuar pasurinë e tij, ku prokurori Arqile Koça rezultonte pronar i 5 apartamenteve, i një apartamenti të shitur në Dajt, si dhe ka hedhur themelet e një shtëpie në Voskopojë, ku vetëm themelet i kushtojnë 10 mijë euro.

Nga ana tjetër ai ka marrë një kredi si i pastrehë në 2001, me vlerë 50 milionë lekë të vjetra, rimbursuar nga shteti, me 3 %., 25 vjet.

CNA.al , ka zbardhur më parë pasurinë e prokurorit Arqile Koça,  sipas të dhënave të siguruara pranë ILDKPKI-së.

Për më tepër linku më poshtë:

Investime në luks dhe pasuri të patundshme/ Arqile Koça prokuror apo biznesmen?





Lajmet e fundit nga