Prokurorja e luksit "ngec në rrjetë"/ Vettingu i “pret” kokën

19 Shkurt 2019, 08:45, Aktualitet CNA

Komisioni i Pavarur i Kualifikimit ka vendosur shkarkimin nga detyra të Drejtueses së Prokurorisë së Apelit të Korçës, Irma Balli.

Sipas KPK, Balli ka fshehur të ardhurat dhe ka shmangur taksat.

Problem, sipas relacionit të lexuar nga komisioneri Olsi Komici, është bërë një biznes privat në Korçë, në bashkëpronësi me persona të tjerë, ku u ngritën pikëpyetje në lidhje me vlerën e investimit fillestar. Apartamenti i bashkëshortit dhe dyshime se nga kontrata e qiradhënies nuk janë paguar tatimet në disa raste.

Sipas relacionit, hetim i thelluar ishte kryer mbi karburantin, ku për vlerën e investimit fillestar për ndërtimin e karburantit, prokurorja ka deklaruar se ka kontribuuar me 1 milion lekë nga kursimet dhe të ardhurat nga puna e bashkëshortit si emigrant në Greqi. Investimi nga babai dhe vëllai ka qenë 3 milionë e 500 mijë lekë.

Babai ka pasur të ardhura nga i ati i tij, i cili ka qenë emigrant në Shtetet e Bashkuara të Amerikës, ku edhe ka ndërruar jetë. Ndërsa vëllai kishte kursime nga puna si emigrant në Greqi.

Ndërkohë, bashkëpronarja tjetër, motra e subjektit, ka kontribuuar me 1 milion lekë. Sipas KPK-së, prokurorja dhe personat e lidhur me të, bashkëpronarët e tjerë, nuk arrijnë të justifikojnë me mjete ligjore të ardhurat e deklaruara për investimin në këtë karburant.

TAKSAT

Mbi të ardhurat dhe detyrimet tatimore për dhënien me qira të karburantit, sqarojmë si më poshtë: përmbushja e kontratës së qirasë me shoqërinë K.D., sipas dokumentacionit të administruar nga bankat e nivelit të dytë, rezulton se pagesat e qirasë së muajit shtator 2011 në shumën 350 mijë lekë pagesë, është derdhur bruto, pa u mbajtur tatimi në burim. Pagesa e qirasë për muajt maj-qershor 2013, e cila është depozituar në bankë në gusht 2013, është derdhur bruto pa u mbajtur tatimi në burim.

CNA.al ka zbardhur më parë pasurinë e prokurores Balli, e cila rezulton pronare e pikës e karburantit në bulevardin ?Fan Noli?, të cilën ia ka dhënë me qira një kompanie private.

Prokurorja në fjalë, nga të dhënat që ka deklaruar duklet se bën një jetë luksoze, madje vetëm për pushime vjetore, të paktën në vitin 2009 ajo ka shpenzuar 1 144 000 lekë. Ajo ka deklaruar se ka paguar mbi 20 mijë euro ndër vit për shkollimine djalit, të cilëin më pas e ka punësuar në Ministrinë e Zhvillimit Urban.

Për më tepër linku më poshtë:

Prokurorja e luksit në sitën e Vettingut/ Irma Balli pronare karburanti