web counter
LEXO PA REKLAMA!

SHKARKO APP

App Store
Google Play

E fundit!

x

Reagimi i gazetarit/ “Protesta e opozitës rrezatoi kulturë”

17 Shkurt 2019, 19:46, Aktualitet CNA

Gazetari Ergert Cenolli në një postim në rrjetet sociale ka reaguar për protestën e zhvilluar ditën e djeshme nga opozita.

Sipas gazetarit, protesta e opozitës rrezaton kulturë, pas shqiptarët protestuan masivisht në mënyrë paqësore.

Ndërsa për pjesën e protestuesve që ushtruan dhunë ndaj godinës së Kryeministrisë ai shkruan se ata persona bëjnë pjesë tek ajo pjesë e dhunuar më tepër ekonomikisht nga politika.

Postimi i plotë:

Një protestë që rrezaton kulturë

Protesta e opozitës nuk besoj se ngjalli trishtim, përkundrazi ajo solli një gëzim të madh, pasi shqiptarët protestuan masivisht dhe paqësisht. Njerëzit ishin të qetë dhe të vendosur në kërkesat e tyre. Ndonëse e përbërë nga një forcë e jashtëzakonshme njerëzore, kjo protestë rrezatoi kulturë të lartë qytetare. (Ata 5-6 njerëz që thyen 2-3 xhame dhe grisën një rrjetë prej lecke,besoj se bëjnë pjesë në popullin që gjatë këtyre viteve ka qenë i dhunuar më tepër se të tjerët ekonomikisht dhe psikologjikisht). Gjithë njerëzit shpërdaheshin qetësisht, porsa hidhej LHL-ja prej tarracës së kryeministrit dhe po qetëshit, ktheheshin përsëri në vendet e tyre, porsa ajri pastrohej.
Në anën tjetër edhe policët që ndodheshin para kryeministrisë m?u dukën shumë të kulturuar, të qetë e të qeshur, si bij të vërtetë të këtij populli të shumëvuajtur dhe pesë vitet e fundit të stërmunduar. Në sytë e tyre pashë shumë trishtim, pasi ishin të detyruar të mbronin kryeministrinë, ndërkohë që i zoti i shtëpisë bridhte andej këndej. Policia nuk është për të ruajtur ndërtesat e boshatisura, por për të zgjidhur zënkat në rrugë, për të kapur hajdutët dhe kriminelët. Ndaj edhe ishin të trishtuar për këtë detyrë pa nder.
Thënë me dy fjalë, nëse porotestën e djeshme do ta krahasojmë me protestat që kanë ndodhur vitet e fundit në Greqi, Francë dhe në vende të ndryshme perendimore, kjo del që të jetë më perendimore se ato. Njerëzit nuk shkatërruan gjithçka që u dilte përpara si në protestat homologe në perendim, ata ruajtën gjithçka, para së gjithash dinjitetin e tyre./CNA.al

 





Lajmet e fundit nga