web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 16 Shkurtit/ PD i përgjigjet Policisë së Shtetit

14 Shkurt 2019, 17:49, Aktualitet CNA

Partia Demokratike në një deklaratë për mediat ka thënë se policia e shtetit po mundohet të pengojë protestën e opozitës.

PD-ja bën me dije se ka njoftuar forcat e rendit për vendet ku do të zhvillohet protetsa e 16 shkurtit dhe shton se në kundërshtim me ligjin policia ka ndryshuar vendin e protestës.

?Duke iu përgjigjur interesimit të medias mbi lajmin e shpërndarë sot në lidhje me protestën, Partia Demokratike sqaron se:

Në përputhje me Ligjin për Tubimet, Partia Demokratike ka njoftuar Policinë e Shtetit për zhvillimin e tubimit më datë 16 Shkurt 2019, ora 11.00, në sheshet dhe vendkalimet publike ?Bulevardi Dëshmorët e Kombit, Sheshi përpara Kryeministrisë, Lulishtja tek Piramida dhe Rruga Ismail Qemali?.

Policia e Shtetit, në kundërshtim me ligjin dhe për arsye politike, ka njoftuar ndryshimin e vendit të protestës, duke mos lejuar zhvillimin e saj edhe tek ?Lulishtja tek Piramida dhe Rruga ?Ismail Qemali?. Sipas ligjit, Policia nuk ka asnjë autoritet ligjor për të vendosur vendin e zhvillimit të protestës.?-thuhet në reagim.

Më tej, Partia Demokratike thekson se nuk merr leje nga policia dhe i bën thirrje që të mos urdhërohet nga kryeministri Edi Rama, port ë sigurojë mbarëvajtjen e protestës.

?Partia Demokratike nuk pret leje nga Policia e Shtetit për zhvillimin e tubimit, sepse ajo është një e drejtë kushtetuese e opozitës dhe qytetarëve. Kjo është arsyeja se përse ligji parashikon njoftimin e Policisë dhe jo kërkesën për leje. Qëndrimi i Partisë Demokratike i është bërë i njohur zyrtarisht Policisë së Shtetit, duke i kujtuar se ka përgjegjësi ligjore për të siguruar mbarëvajtjen e protestës, në vendet e njoftuara nga Partia Demokratike. Policia e Shtetit po vepron nën urdhrat politik të Edi Ramës, i cili, i frikësuar nga bashkimi popullor, po ndjen vetminë e tij politike. Duke garantuar qytetarët për protestën e 16 Shkurtit, Partia Demokratike ka marrë të gjitha masat për sigurinë e protestuesve dhe ushtrimin prej tyre në mënyrë të ligjshme dhe pa asnjë pengesë.?-mbyllet njoftimi për mediat i PD-së./CNA.al





Lajmet e fundit nga