web counter
LEXO PA REKLAMA!

SHKARKO APP

PS në hall për Bashkinë e Vorës/ Zbardhen bisedat mes Ballukut dhe Vorpsit

8 Shkurt 2019, 15:14, Aktualitet CNA

Ministrja e Energjisë dhe Infrastrukturës Belinda Balluku  dhe deputeti socialist Sadi Vorpsi janë filmuar nga kamera e A2 CNN gjatë një komunikimi virtual me njëri-tjetrin.

Biseda e tyre gjatë seancës së parlamentit ka pasur në fokus zgjedhjet lokale.  Balluku duket e shqetësuar për Bashkinë e Vorës e cila drejtohet prej pesë mandatesh nga Fiqiri Ismaili.

Ministrja e pyet deputetin se si do ta shkulin nga drejtimi i bashkisë së Vorës Ismailin ndërkohë që Vorpsi shpreson në interpretimin e ligjit për tre mandate.

Gjatë bisedës së tyre ka dalë edhe një fakt tjetër që zbulon se kryebashkiaku i Elbasanit Qazim Sejdini do të heqë dorë nga kandidimi i tij për drejtimin e qytetit të Elbasanit.

Biseda e zbardhur nga A2:

Balluku: Po Fiqo o Zot me këtë p***** që po flet (Fiqiri Ismaili ?Vorë)
Vorpsi: Ha ha
Balluku: Si do e shkulim nga aty atë p****
Vorpsi: Vështirë, por jo e pamundur. Ishallah po e nxjerrin jashtë me interpretimin e ligjit për tre mandate
Balluku: Po ashtu na dalin dhe tanët
Vorpsi: Nëse Vangjushi dhe Lala (Qazim Sejdini) nuk kandidojnë, nuk ka të tjerë
Balluku: Lala e ka nda mendjen, nuk kandidon. Po vendos Gledin
Vorpsi: Po po, e di
Balluku: Dhe po e bën shumë mirë
Vorpsi: Eshtë djalë super ai
Balluku: Isha dje me Lalën gjithë ditën. I qartë fare. Gledi është fantastik
Vorpsi: Pozitive. Duhet të kishte shkuar në fakt më përpara.
Balluku: Dhe Lala e marketon shumë mirë. E marrin ata, se ka familjen nga Elbasani Gledi.
Vorpsi: E rëndësishme…/CNA.al





Lajmet e fundit nga