E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Do të bëhesh ministër?/ Artan Fuga zbulon sekretin

8 Shkurt 2019, 13:43, Aktualitet CNA

Akademiku dhe pedagogu i gazetarisë dhe komunikimit, Artan Fuga ka thënë se për t?u bërë ministër, deputetë, apo drejtor në vendin tonë duhet të jesh më pak i zgjuar e drejtuesi yt ose thënë ndryshe budalla.

Në një postim në rrjetet sociale, Fuga shkruan se çdo kryetar partie, apo edhe Kryeministër në vendin tonë i zgjedhin rreth vetes njerëz që janë më pak të zgjuar se ata vetë.

?Në Shqipëri duhet të kesh zgjuarsinë për t’u hequr si budalla dhe naiv, pakëz trap, për t’u bërë ministër, deputet, drejtor, ambasador e të tjera e të tjera!

E thamë se talenti në Shqipëri nuk i duhet kërkujt.

Imagjinoni një kryetar partie cilidoqoftë. Ka prirje të marrë rreth tij sa më poshtë tij në aftësitë personale. Nuk them se merr idiotë, por gjithsesi eliminon të gjithë ata që kanë aftësira mendore dhe shpirtërore më të mira sesa ai.

Sepse do që ta ruajë i qetë postin e tij të kryetarit.

Merrni ndonjë kryeministër. Ka interes të marrë rreth vetes si ministra individë burra dhe gra që asnjë mos t?ja kalojë në aftësitë e veta intelektuale ose psikologjike. Pra, promovon individë që të jenë më poshtë nivelit të tij njerëzor.?-thotë Akademiku.

Më tej, profesori thekson se kjo gjë bën që në poste drejtuese të rrinë njerëz të paaftë.

?Kështu pra karrierë bëjnë ata që shefat mendojnë se janë më të paaftë sesa vetja e tyre. Kështu në një media, drejtori nuk është budalla të punësojë gazetarë që janë shumë më të aftë sesa ai.

Duhet nënshtrim dhe nënshtrimi nuk është vetëm i dhunshëm, por ndërtohet edhe mbi bazën e paaftësisë. Kështu në shumë fusha.?-vijon ai.

Pedagogu shprehet se nëse do të duash të ecësh në karrierë është më mirë të hiqesh si budalla, sepse sipas tij vetëm në atë mënyrë do kesh propozime.

?Dhe pastaj nuk ka përse të habitemi kur njerëzit shohin se kush promovohet dhe pyesin: Edhe kjo mo?

Sepse janë edukuar me idealizma, sipas të cilave i miri ecën përpara, e mira të çon përpara! Kështu duhet të jetë nëse shoqëria ka vlera, por në realitet nuk është kështu, te ne është e keqja, paaftësia, budallalliku që të çojnë më përpara sesa talenti për të krijuar vlera, vetitë etike si solidariteti, mirësia, besa.

Nëse dëshiron të ecësh në karrierë hiqu si budalla, shtiru se nuk ke asnjë kompetencë, tregoju debil, kokëgdhë, i trashë. Do shohësh se ke për të pasur shumë propozime për t?u bërë deputet, drejtor, ministër, ambasador, e kështu me radhë.?-thotë Artan Fuga./CNA.al