E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Mosvotimi i reformës zgjedhore/ Sonila Meço jep alarmin

1 Shkurt 2019, 16:52, Aktualitet CNA

Gazetarja Sonila Meço ka reaguar ndaj debatit me tone të larta dhe fjalë vulgare, që u zhvillua në Kuvend ditën e djeshme.

Në një postim në rrjetet sociale, Meço shkruan se nuk duhet vetëm të habitemi nga ky lloj debati, pro duhet të kujtojmë që katër muajt në vijim janë shumë të rëndësishme për të ardhmen e vendit.

?Që mos shushatemi përmes sharjeve me brezni në kuvend, akuzave ndaj Zërit të Amerikës, thirrjeve për protesta e telefonatave nga Shtëpia e Bardhë:

5 muajt e ardhshëm janë vendimtarë për 4 vitet e ardhshme.

Presim një përgjigje për çeljen e negociatave të anëtarësimit në BE dhe votojmë për të zgjedhurit lokalë (nuk përjashtohen as të përgjithshmet).

Ndërkohë, që me kushtet aktuale të dy proceset paradoksalisht nuk varen prej nesh.

Hapja e negociatave kërkon përkim të përmbushjes së kritereve nga klasa politike me vullnetin e Brukselit për zgjerim, ndërsa zgjedhjet kontrollohen nga kryetarë, me lista të mbyllura, lidhje okulte me krimin, pa transparencë financimesh partish.?-shprehet ajo.

Gazetarja thekson se një nga kriteret më të kërkuara nga Brukseli është reforma zgjedhore, që nënkupton shkëputjen ë klasës politike nga krimi.

?Një kriter, që i përsëritet me çdo vajtje ne Bruksel klasës politike shqiptare është se negociatat nuk hapen pa një reformë të plotë zgjedhore para zgjedhjeve të radhës.

Më konkretisht, Komisioni i Reformës Zgjedhore duhet të sigurojë me legjislacion shkëputjen e të zgjedhurve nga krimi i organizuar, të depolitizojë Komisionin Qendror të Zgjedhjeve dhe të gjitha komisionet e tjera zgjedhore, të krijojë një komision të posaçëm të monitorimit të zgjedhjeve.?-vijon Meç9o.

Ndër të tjera, ajo shton se edhe nëse negociatat do të hapen, përsëri mosvotimi i reformës zgjedhore është mund të çojë në vjedhjen e votës sonë. Duke theksuar edhe se mund të bëhemi më keq se Turqia që ka humbur demokracinë që nëvitin 2002.

?Edhe nëse negociatat hapen, klasën politike në pushtet do duhet ta zgjedhim ne, e nëse shkohet pa reformë zgjedhore në zgjedhjet e ardhshme (lokale a të përgjithshme të parakohshme) ka shumë mundësi vota jonë mos vlejë fare a më keq të blihet. Se edhe përgjimet e publikuara rishtaz, po dëshmojnë masakrën me votën në zgjedhjet e fundit.

Dhe një votë, që del nga dreka darka mes krimit dhe shtetit do mund te sjellë në pushtet një klasë politike, që dëshiron të sfidohet në mënyrë inteligjente në parlament për të mirën e popullit?

Po ja u çelën edhe negociatat, për çfarëdo arsyeje gjeopolitike (edhe në kurriz të territoreve të Kosovës) a ndoshta nga fati, ç?do bëjmë mandej, të ushqehemi me kapitujt e negociatave? Turqia i ka hapur qysh në vitin e largët 2002 dhe pushteti në vend nuk është bërë më demokratik.

Tek ne historia përsëritet e përpiktë. Me kaq përvojë e dimë se pa reformë zgjedhore, drejtësie e pa një orientim te qartë në përmbushjen e kritereve për negociata, vota jone është një zgjedhje pa zgjidhje. Kjo gjë e mban peng shpresën e shqiptarëve e jo shprehja demoralizuese ?s?ka alternativë??,-shkruan gazetarja Sonila Meço./CNA.al