E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

Protestat e opozitës/ Astrit Patozi zbulon prapaskenat

24 Janar 2019, 14:48, Aktualitet CNA

Ish-nënkryetari i Partisë Demokratike, Astrit Patozi ka komentuar vendimin e opozitës për të zhvilluar protesta deri në rrëzimin e qeverisë ?Rama?.

Në një intervistë për Vizion Plus, Astrit Patozi është shprehur se çdo lajm për protestë më pëlqen, porn ë këtë rast ka dicka që nuk shkon.

Sipas Patozit, shqiptarët kanë nevojë të mendohen një muaj rresht për të ndarë mendjen që duhet ta mbështesin Lulzim Bashën dhe Monika Kryemadhin apo jo.

?Si kundërshtar i qeverisë, çdo lajm për protestë më pëlqen. Por në këtë rast ka një gjë që nuk shkon, sepse opozita zyrtare ka lajmëruar një protestë gati një muaj përpara dhe duket sikur më shumë kohë të duhet të bësh një protestë se sa të shkosh në fushatë elektorale dhe kjo është një gjë që nuk tingëllon mirë. Unë nuk besoj se shqiptarët kanë nevojë të mendohen një muaj rresht për të ndarë mendjen që duhet ta mbështesin Lulzim Bashën dhe Monika Kryemadhin apo jo.

Në këtë kuptim më ngjan më tepër si një ushtrim që opozita do të bëjë me militantët e vet, me strukturat e veta sesa një zgjim për popullin që është revoltuar me qeverinë. ?-u shpreh Astrit Patozi.

Më tej, ai riktheu në vëmendje edhe protestat e studentëve, pndërsa theksoi se ?Kini parasysh që protesta e studentëve u deshën vetëm disa orë që të shkrepi dhe të ndezi dhe të vazhdojë për një kohë shumë të gjatë. Nuk gjej arsye që të marrësh një muaj kohë për të bërë një proteste, e cila tek e fundit në rast se do të jetë vetëm protestë e strukturave të partive opozitare nuk do të sjellë ndonjë të re për Shqipërinë, për qeverinë jo e jo. Unë nuk besoj që vetëm me protesta një qeveri e caktuar mund të rrëzohet.?.

Gjithashtu ish-numri dy i PD-së, tha se protestat mund ta dobësojnë qeverinë, po nuk janë gjëja e vetme, por duhet gërshetuar edhe me betejë institucionale.

?Unë mendoj që protestat mund të dobësojnë, mund ta godasin qeverinë, por nuk janë gjëja e vetme. Në rast se do të gërshetohej me betejë institucionale, kryesisht në parlament, por jo vetëm në parlament, sigurisht që do të ishte komplementare. Se unë nuk besoj se opozita gjen më shumë arsye për të ruajtur mandatin e saj për të shkuar në parlament dhe nuk gjen asnjë arsye që të paktën të bëjë një betejë të paktën për kodin e ri zgjedhor, sepse nuk gjej që një opozitë që përgjërohet apo shtiret që përgjërohet për zgjedhje të lira e të ndershme, të mos bëjë as detyrimin më të vogël, të paktën të ndryshojë legjislacionin në fuqi. ?-tha Astrit Patozi./CNA.al