E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Pesë arsyet që i bëjnë bebet të qajnë teksa bëjnë banjë

24 Janar 2019, 13:40, Aktualitet CNA

Rrjedhja e ujit në sy.

Të vegjlit nuk e kanë konceptin e mbylljes së qepallave si refleks për të shmangur trupat e huaj që të mos hynë në sy. Rrjedhja e vazhdueshme e ujit mund të jetë një ngacmues dhe mund ta bëjë foshnjën të qajë. Çfarë mund të bëni? Përdorni një maskë në kokë për të mbrojtur sytë dhe për të shmangur derdhjen e ujit në fytyrë.

Puçrra ose plagë që djegin.

Nëse fëmija juaj vuan nga skuqje ose plagë, kontakti me ujin dhe sapunin mund të shkaktojë ndjesinë e djegies dhe të shkaktojë shqetësim tek fëmija. Çfarë mund të bëni? Shmangni aplikimin e sapunit dhe ujit të tepërt në zonat e prekura dhe prisni derisa skuqjet të zhduken për të filluar regjimin e plotë të larjes.

Temperatura e pakëndshme e ujit.

Ndoshta kjo është arsyeja më e shpeshtë pse fëmijët e urrejnë dushin. Të sapolindurit janë shumë të ndjeshëm ndaj ndryshimit të temperaturës dhe uji shumë i ftohtë ose tepër i nxehtë mund t?i bëjë ata menjëherë të ndiejnë dhimbje. Temperatura e trupit, e cila është rreth 37 gradë celsius është temperatura më e mirë për ta larë fëmijën tuaj. Çfarë mund të bëni? Kontrolloni temperaturën e ujit duke përdorur bërrylin tuaj ose përdorni një termometër për të pasur një mendim më të saktë. Zhyteni fëmijën tuaj ngadalë në ujë për t?i lejuar atij të mësohet në të

Uria mund të jetë një arsye tjetër që e bën fëmijën tuaj të qajë kur e lani. Nëse foshnja nuk ushqehet siç duhet, ka të ngjarë të irritohet, veçanërisht gjatë larjes. Çfarë mund të bëni? Është e domosdoshme ta ushqeni foshnjën tuaj dhe të prisni rreth 30 deri në 45 minuta para se ta lani për të lejuar që ushqimi të përthithet nga trupi.

Frika nga sapuni.

Përzgjedhja e sapunit të duhur për të voglin tuaj është thelbësore. Sapuni mund të shkaktojë acarim të lëkurës, ose fëmija mund të ketë një frikë se sapuni i hyn në sy duke i shkaktuar një ndjesi djegie. Çfarë mund të bëni? Konsultimi me një mjek është mënyra më e mirë për të vlerësuar llojin e lëkurës së bebes suaj dhe sapunin që do të jetë më i përshtatshëm për të. Përdorni sapun dhe shampo të bërë posaçërisht për të vegjlit dhe shmangni përdorimin e atyre që bëhen për të rriturit.