Protestat në vend/ Deputetët gjermanë, kërkesë opozitës shqiptare

23 Dhjetor 2018, 17:37, Aktualitet CNA

Kryetari i FRPD-së dhe njëkohësisht deputet i Partisë Demokratike, Belind Këlliçi në një postim në rrjetet sociale ka bërë publike qëndrimin e deputetëve të CDU-së në gjermani ndaj opozitës shqiptare.

Në shkrimin e tij, Këllici thekson mbështetjen e deputetëve gjermanë ndaj Partsië Demokratike.

“Në Akademinë Politike 2018 me pjesëmarrjen e 120 studentëve nga i gjithë vendi, anëtari i Bundestagut, Andreas Lammel, e konsideroi Partinë Demokratike si alternativën që i duhet Shqipërisë për përparimin e saj.

?Qeveria zgjidhet që të zhvillojë vendin, ta çojë atë përpara dhe në shërbim të qytetarëve, por qeveria e tanishme nuk e ka kuptuar këtë. Nëse doni të merrni fatin në dorë, punoni për të mundësuar që ju të qeverisni, sepse kohët janë të mira për opozitën. Për fat të keq, PD është akoma në opozitë, por vitin tjetër kjo mund të ndryshojë me zgjedhjet lokale? – tha deputeti gjerman i CDU-së, Andreas Lammel në Akademinë Politike 2018 të FRPD.”- shkruan ai teksa i shton shkrimit edhe fjalën e Lammel.

Ndërkohë teksa shton fjalën e përfaqësuesit të Partisë Popullore Europiane, Christian Kremmer-it, deputeti demokrat shprehet se ai ishte shumë konkret në renditjen e problemeve të rinisë shqiptare.

“Christian Kremmer, përfaqësues i Partisë Popullore Europiane, ishte shumë konkret, kur renditi problemet reale me të cilat përballet rinia në Shqipëri.

?Ne e dimë se situata është keq dhe akoma më keq për të rinjtë. 1/3 nuk gjejnë punë në Shqipëri, shume të tjerë largohen nga vendi. Të dashur miq, po luhet me të ardhmen tuaj! Mos lejoni që ky vend të trajtohet si pronë private e disa pakicave!? – tha zëvendës Sekretari i Përgjithshëm i PPE.”-vijon Këlliçi.

Ndër të tjera deputeti Belind Këlliçi thekson se Kremmer vuri në pah nevojën e vendit tonë për vetting në politikë.

“Christian Kremmer vuri në dukje nevojën urgjente të Shipërisë për vetingun në politikë, për një alternativë të re politike, për ndarjen reale të pushteteve dhe për një drejtësi funksionale.

?Me lejoni të them qartë: pa ndarjen e pushteteve dhe drejtësi të pavarur nuk ka liri dhe demokraci funksionale. Korrupsioni dhe lidhjet midis krimit të organizuar dhe politikës janë vjedhje ndaj qytetarëve. Korrupsioni pengon investimet dhe krijimin e vendeve të reja të punës. Prandaj, në rastin e Shqipërisë është logjike që vettingu të bëhet jo vetëm në drejtësi, por edhe për personat përgjegjës në politikë. ?- u shpreh Christian Kremmer i PPE.”-shkruan në postimin e tij kreu i FRPD-së./CNA.al