Xhenet sëmuret, Selim e rikthen në shtëpi/ Ja ç’do të ndodhë sot

13 Dhjetor 2018, 09:20, Aktualitet CNA

Kaja urdhëron Mukadesin të mos i tregojë Xhenetit rreth Arzus. Mukades i kujton Kajas se ajo nuk do të heqë dorë nga përgjegjësitë dhe të drejtat e saj si gjyshja e Xhenetit. Selim rikthen Xhenetin në shtëpi. Kaja i shpreh shqetësimin për të Xhenetit. Xhenet nuk e pranon Kajan si të atin dhe largohet sërisht. Kaja insiston me qëllim që të bind Xhenetin, por asaj i bie të kët. Xhengiz i ofron mbështetje Arzus duke e përqafuar. Nilgyn bëhet xheloze dhe Ozlem e nxit më shumë. Arzu tregohet e dhunshme ndaj Nilgynit pas akuzave të saj për tradhëti. Xhenet ka temperaturë. Arzu i lutet Melisës që të rikthehet në shtëpi, duke i thënë se më parë nuk e ka kërkuar divorcin për respekt të Rizas. Melisa e fal të ëmën. Arzu i tregon Melisës se e ka falur Mahirin. Mukades i kërkon Selimit të heqë dorë nga Xheneti. Selim i prezantohet Kajas si miku i Xhenetit. Kaja dhe Mukades i kërkojnë Selimit të largohet.

Melisa nuk pranon të largohet nga shtëpia e Selimit dhe i kërkon bashkëpunim Arzus për t?i ngritur grackë Selimit. Arzu mëson se Kaja ka kontaktuar Melisën. Melisa përgatit një darkë romantike për Selimin. Selim reagon ashpër dhe kritikon Melisën. Melisa shtiret si e ofenduar dhe Selim i kërkon falje.

Melisa fajëson Xhenetin për injorimin që po tregon Selim ndaj saj. Kaja përkujdeset për Xhenetin, ndërsa ajo është sëmurë. Xhenet përmendet dhe del nga shtëpia e revoltuar ndaj Kajas. Kaja ndjek Xhenetin pas dhe e prek atë me fjalët e një babai të dëshpëruar. Ai i ofron Xhenetit të bëjnë një test AND dhe ofrohet të largohet nga jeta e saj me kusht që Xhenet të mos qëndrojë rrugëve e sëmurë. Xhenet përqafon Kajan e përlotur. Arzu armatoset për t?u mbrojtur ndaj Kajas. Selma vë re sjelljen histerike të Arzus. Ajo i rrëfen Arzus se nuk e ka mbështetur për faktin se ka një ndjenjë të keqe ndaj saj. Mahir i tregon Ozlemit se Arzu ka hequr dorë nga divorci dhe se ai ka vendosur të mbështesë Arzun. Ozlem nxeh Mahirin duke i thënë se mes Xhengizit dhe Arzus ka diçka.

Mahir mbron nderin e Arzus. Kaja e siguron Xhenetin se do të kishte qenë një baba i mirë për të po ta kishte ditur për ekzistencën e saj. Xhenet pyet Kajan rreth Xhavidanit. Kaja i tregon Xhenetit se është dashuruar me shikim të parë me Xhavidanin dhe se ka qenë i gatshëm të bëjë çdo gjë për të. Kaja pranon se është ende i dashuruar me Xhavidanin. Arzu dhe Mahir afrohen sërisht me njëri tjetrin për të rituar Melisën. Mahir i premton Arzus se ka për ta ndihmuar në kompani dhe i kërkon asaj të qëndrojë larg Xhengizit. Arzu e siguron Mahirin se nuk e ka tradhëtuar. Mahir i ofron asaj një fillim të ri si çift. Melisa i kërkon falje Selimit dhe ofrohet që të largohet. Xhenet vendos të largohet përfundimisht dhe shkruan një letër lamtumire./ CNA.al