web counter
LEXO PA REKLAMA!

SHKARKO APP

App Store
Google Play

Pranoi mashtrimin me tenderin e Unazës/ Deputeti i përgjigjet Gjiknurit

11 Dhjetor 2018, 11:31, Aktualitet CNA

Pas deklaratës së ministrit të Infrastrukturës dhe Energjitikës, Damian Gjiknuri, i cili pranoi se firma DH Albania që kishte fituar tenderin kishte bërë falsifikim dokumentash jashtë territorit shqiptar, ka reaguar deputeti i Partisë Demokratike, Agron Shehaj.

Në një postim në rrjetet sociale, Shehaj shkruan se Gjiknuri dhe kreu i ARRSH-së, Afrim Qendro, ndryshe nga ç?pretendojnë kanë qenë në dijeni të kompanisë fantazmë, por hiqen si ?idiotë publikë?, për të mos dalë si hajdutë të rëndomtë.

?Damian Gjiknuri pretendoi sot se ai dhe ARRSH-ja kanë negociuar e nënshkruar një kontratë 18 milionë euro pa takuar asnjë njeri tjetër veç administratorit fallco 26 vjeçar, i cili nuk e ka haberin as nga punimet publike dhe as kontratat publike, dhe ata nuk paskan dyshuar për asgjë?! Gjiknuri pretendoi, gjithashtu, se ai dhe OST-ja kanë negociuar dhe kanë nënshkruar një kontratë tjetër 12 milionë euro përsëri me të njejtin amator 26 vjeçar dhe as këta nuk kanë dyshuar dhe kuptuar asgjë?!

Po çfarë ministrie dhe institucionesh janë këto? Institucione shtetërore apo kioska rruge? Në të vërtetë, Gjiknuri dhe dy drejtorët e mëdhenj të ARRSH-së dhe OST-së janë thjesht shërbëtorët e përdorur nga Edi Rama për të vjedhur dhe pastruar paratë 30 milionë euro. Por tani që u kapën duke vjedhur, ata kanë zgjedhur që më mirë të duken idiotë në publik, se sa të dalin ashtu siç janë: hajdutë të rëndomtë e të paskrupuj?,- shkruan Shehaj./ CNA.al





Lajmet e fundit nga