web counter
LEXO PA REKLAMA!

SHKARKO APP

App Store
Google Play

Djegia e mandateve/ Duma tregon planet e PD-së

1 Dhjetor 2018, 17:41, Aktualitet CNA

Deputetja e Partisë Demokratike, Grida Duma, deklaroi sot se djegia e mandateve ose jo do të jetë një vendim i forumeve të Partisë Demokratike.

Duke u nisur nga bojkoti i parlamentit që është duke bërë opozita që prej shtatorit, në studion e emisionit ?Kjo Javë? në News24, deputetja demokrate tha se nuk e di si procedurë se kur përcaktohen 6 muaj mungesë në parlament por se do jetë një vendim shumice.

?Nuk e di si procedurë. Nuk besojmë se do arrijmë deri atëherë. Nuk e di kur do të fillojë numërimi. Ne s?kemi qenë që në shtator. Mund ta fillojnë nga fillimi i sesionit të ri apo dhe nga korriku?-tha Duma.

Ndërsa i është përmendur nga gazetarja rasti i ish-ministrit të Brendshëm Saimir Tahirit që u paraqit në parlament në kufijtë kohor, Duma tha se ?paraqitja njëherë në 6 muaj është trashëgimi socialiste dhe Nano e bënte këtë. Nuk ka lidhje me ne?.

Ndërkohë më tutje ajo shtoi se vendimi për tu rikther në parlament i takon forumeve të partisë, pasi është një veprim politik dhe jo ambiciesh.

?Nuk ka lidhje me parashikimin, ka të bëjë me vendimin që i mbetet forumeve të partisë. Është vendim shumice. Është aksion politik jo karrierash dhe ambiciesh.

Do na kthente në parlament reagimi i maxhorancës. Duhet të ulen dhe të diskutohet në mënyrë konstruktive?-deklaroi deputetja demokrate.

Duma theksoi se maxhoranca e çoi vettingun në politikë tek Venecia se do të fitojë kohë. ?Reforma në drejtësi për ne është një paketë që po dështon në aplikim jo në teori?-u shpreh ajo.





Lajmet e fundit nga