Xhafaj, si dështim i Ramës, ndërkombëtarëve dhe kazanit/ Kadri Hazbiu i kohëve moderne

29 Tetor 2018, 13:30, Aktualitet CNA

Fatmir Xhafaj dha dorëheqjen nga detyra e Ministrit të Brendshëm, në mënyrë të beftë, kur priteshin të tjera aksione ashtu siç ai kishte paralajmëruar, ministri iku dhe la me ?gisht në gojë?, kryeministrin, qeverinë, kazanin e saj dhe veten e tij.

Kryeministrin për faktin se ky i fundit po përpiqet ta quajë të sukseshëm ministrin pa moral politik në krye të institucionit më të rëndësishëm në vend. Pa moral sepse Fatmir Xhafaj duhet të ikte që ditën e parë, sapo u publikua dosja e vëllait të tij. Që ditën kur Enkelejd Alibeaj tregoi me dokumenta se vëllai i ministrit ishte dënuar me burg në itali si trafikant.

Kjo nuk ndodhi, Xhafaj shpëtoi me skandalin ?Babale?, ndoshta të sponsorizuar edhe prej tij dhe filloi rezistencën. Në fakt Shqipëria po përgjakej, vrasje e krime çdo ditë, por Ministri Enverist i Shqipërisë, zgjodhi të kryente dy operacione, me informacione ofruar nga partnerët ndërkombëtarë, një në Shkodër dhe një tjetër që fillonte në Has dhe shpërndahej në të gjithë Shqipërinë. Doli dhe reklamoi sukseset duke tentuar të ngrejë lart ?lavdinë? dhe sukseset e tij, por ende pa u fryrë mirë iku me bisht në shalë.

Rama dhe kazani pranë tij kërkuan ta shisnin si të lavdishëm, dikush shkoi deri tek fakti se iku vetë kur i donte qejfi, por Xhafa iku me bisht në shalë pas përplasjeve të forta me kryeministrin, të cilit po i kthehej ne rrezik për shkak se ishte në qendër të sulmeve të opozitës me dhe pa bazë. ?E vrau? Rama si Enveri, Kadri Hazbiun.

Fatmir Xhafaj ishte një dështim i Edi Ramës në krye të ministrisë së Brendshme. Drejtoi një institucion ndaj të cilit u shtuan akuzat për korrupsion. Xhafaj nuk u soll si ministër, por si një xhandar që hakmerej ndaj punonjësve, policëve, bashkëpunëtorëve të paraardhësit dhe shpërblente këdo që i lëpihej atij apo kryebashkiakut Veliaj, pa folur për flirtin dhe ?dashurinë? me Ilir Metën.

Fatmir Xhafaj ishte një dështak në krye të ministrisë së Brendshme, ishte i vetmi ministër në Europë me vëllanë e denuar si trafikant që nuk levizte nga karrigia me gënjeshtrat se e mbështesnin ndërkombëtarët, të cilët kur iku nuk thanë as edhe një fjalë. Ç?ka ngre dyshime se kanë qenë ata që i vunë drunë, dhe Rama e ekszekutoi urdhrin pas një sherri të stimiluar.

Në fakt përtej sherrit të fundit, përplasjet e Xhafës më Ramën janë të vjetra dhe fillojnë që më luftën që zhvilloi ndaj Saimir Tahirit apo ministrave të tjerë të qeverisë. Xhafaj nuk ishte ministri shenjtor i qeverisë, por njeriu që punoi me Veliajn dhe Metën për të turbulluar politikën në qëllim të mbijetesës personale. Në qarqet politike pretendohet se Xhafaj nga kanalet e tij ka çuar informacione tek Lulzim Basha për ministra të Edi Ramës. Këto mund të jenë dhe ?gurët kundër shtëpisë?, që deklaroi kryeministri në Lushnjë.

Por si dështim në fakt ai është ekskluzivitet i Ramës dhe kazanit të tij mediatik që po përpiqen ta shpallin si hero apo të suskseshshëm. Një Kadri Hazbi modern, të vrasin politikisht dhe të mbrojnë mediatikisht.

Tani deputeti Fatmir Xhafaj, dje ?i preferuari? i kryeministrit dhe ndërkombëtarëve, është viktima e tyre dhe Ramës që askush nuk do ta shohë me sy, as për merita dhe as për paaftësi, por për intrigat dhe qelbësirllëqet që e ndoqën pas si ministër apo ato që ndërtoi vetë.

Xhafaj iku me turp pa lavdi, iku si një ish-komunist dhe enverist, iku si një i paaftë, iku si një hakmarës, iku si vëllai i një trafikanti, iku si një dështak i pavlerë në politike. Pastë këmbën e mbarë dhe me të tjerë të sojit të tij/ Elvi Fundo- Shkruar për CNA.al