Nuk gjetën prova/ Mbyllen hetimet në Itali për Saimir Tahirin

29 Tetor 2018, 16:16, Aktualitet CNA

Prokuroria e Katanias ka mbyllur hetimet për ish-Ministrin e Brendshëm, Saimir Tahiri. Në dosjen e siguruar nga Tv Klan, rezulton se Tahiri është vënë në hetim nga Prokuria e Antimafias në Itali në datë 27.10.207, tre ditë pasi nxorri dokumentin zyrtar.

Gjatë konferencës për shtyp, Tahiri deklaroi se nuk kishte hetim të hapur në Itali, ndërsa shtoi se do të kërkonte përmes avokatëve të tij, që të hetohej edhe në vendin fqinj. Ndërkohë në datë 15.03.2018, Prokuroria e Antimafias, i kërkoi Gjykatës italiane, që të mbyllë hetimet për Tahirin, pasi nuk janë gjetur prova, të cilat e implikojnë ish-ministrin.

?Për sa më sipër, megjithëse nuk ka dyshim për citimet e bëra nga Moisi Habilaj gjatë bisedave të përgjuara, veçanërisht ku përmend se ka për t?i dhënë 30.000 Euro SAIMIR ?it, ose në pjesët ku flet për blerjen e bizhuterive për bashkëshorten dhe nënë e Saimir Tahirit, në vlerësimin e prokurorisë, në mungesë të provave të vlefshme nuk rezulton të ketë elementë të përshtatshëm për të mbështetur akuzën në fjalë. Në bazë nenit 408 të Kodit të Procedurës Penale -125 të dekretit legjislativ 217/1989, kërkon që gjyqtari i hetimeve paraprake në këtë rast të vendosë për arkivimin e këtij procedimi dhe për rrjedhojë të urdhërojë kthimin e akteve të kësaj zyre?, thuhet në deklaratën e Prokurorisë italiane.

Bazuar tek kërkesa e Prokurorit, Carmelo Petralia, gjykata e Catanias, mori vendimin për mbylljen e hetimit.

?Gjyqtari, mbi bazën e kërkesës së mësipërme të pushimit, e cila pranohet, duke iu përmbajtur në mënyrë të plotë arsyetimit:

Për këto arsye

“Në bazë të neneve 409-411 të Kodit të Procedurës Penale, vendosi pushimin e procedimit objekt shqyrtimi dhe kthimin e akteve Prokurorit, duke autorizuar që nga ky moment lëshimin e kopjes së këtij urdhri si dhe të akteve të fashikullit për të hetuarit, personat e dëmtuar si dhe mbrojtësve të emëruar apo të pajisur me prokurë?, thuhet në deklaratën e gjykatës.

Në dosjen e siguruar nga Tv Klan, Prokuroria e Antimafias, rezulton se ka verifikuar me imtësi, të gjitha pjesët që implikonin Tahirin nga përgjimet e Habilajve, duke filluar që nga blerja e bizhuterive, blerja e një kostumi për vetë Tahirin, hyrje-daljet e ish-ministrit në zonën Shengen dhe shoqërimet me Habilajt. Nga verifikimet rezulton, se nuk ka pasur çështje që implikonin Saimir Tahirin. /CNA.al