E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Tendera pa garë dhe favorizim të krimit/ Tre provat që “fundosin” Ramën

26 Tetor 2018, 12:24, Aktualitet CNA

Partia Demokratike vijon të hedhë akuza të forta në drejtim të qeverisë socialiste, për lidhje dhe favorizim të bandave kriminale.

Në një deklaratë për mediat, këshilltari ligjor në PD, Gazment Bardhi ka sjellë tre shembuj, që sipas tij tregojnë sesi Rilindja favorizon trafikantët.

?Edmond Bego mori 14 milion euro tendera për punë publike, leje dhe licensa në zonën elektorale të Taulant Ballës. Klement Balili, i shpallur në kërkim ndërkombëtar për trafik droge, përfitoi 77 tendera, nga të cilat 30 prej tyre janë dhënë pa garë. Edison Sali, anëtar i bandës së Agron Xhafajt, ka përfituar 12 tendera nga qeveria Rama?.-tha ndër të tjera Gazment Bardhi.

Sipas tij, këto janë fakte të cilat provojnë se Rama është kapur në flagrancë dhe bën ?makiazh? me ligje fasadë për të mbuluar krimin.

Deklarata e plotë:

Propaganda dhe tallja me shqiptarët janë mjeti i vetëm i qeverisë së Edi Ramës për të mbuluar bashkëqeverisjen me krimin.

Nuk ka asnjë inisiativë të re nga qeveria e Edi Ramës kundër krimit të organizuar.

Ministrja e Drejtësisë e di se ligji që ndalon personat e përfshirë në krimin e organizuar të mos përfitojnë tendera dhe koncesione është në fuqi prej vitit 2006.

Neni 45 i Ligjit për Prokurimin Publik përcakton se organet shtetërore duhet të përjashtojnë nga një procedurë prokurimi çdo person për të cilin ka të dhëna se ka qenë i dënuar me vendim gjyqësor të formës së prerë për pjesëmarrje në organizata kriminale.

Me ardhjen në pushtet të Edi Ramës ky ligj nuk u zbatua dhe tenderat, koncesionet, PPP-të ranë në duart e trafikantëve të drogës dhe personave të tjerë të përfshirë në krimin e organizuar.

Të shkruash me fjalë të tjera atë që sot ekziston në ligj, është tallje me shqiptarët dhe tentativë e qartë për të marrë në mbrojtje anëtarët e krimit të organziuar që janë aktualisht nën hetim nga prokuroria për përfitime të paligjshme në tendera publikë.
· Miku i Taulant Ballës, Edmond Bega, që ka përfituar 14 milionë euro nga punë publike, si dhe leje dhe licensa,

· Klement Balili, në kërkim ndërkombëtar për trafik droge, ka përfituar 77 tendera, nga të cilat 30 pa garë.

· Edison Sali, anëtar i bandës së Agron Xhafaj, ka përfituar 12 tendera gjatë qeverisë së Edi Ramës.

Këta shembuj dhe plot shembuj të tjerë janë prova se Edi Rama, i kapur në flagrancë, po bën makiazh me ligje fasadë për të fshehur të vërtetën e bashkëqeverisjes së tij me krimin dhe pasurimin e krimit me paratë e shqiptarëve. /CNA.al