web counter
LEXO PA REKLAMA!

SHKARKO APP

App Store
Google Play

Grabitën një 34-vjeçar në Vlorë/ Në pranga dy të mitur

21 Shtator 2018, 14:11, Aktualitet CNA

Gjatë ditës së dy persona janë arrestuar në Vlorë, pasi i kanë grabitur një sasi parash një 34-vjeçari.

Sipas njoftimit të policisë në pranga kanë rënë 17-vjeçari me iniciale M. Gj. dhe 16-vjeçari me inicialet N.A.

?Me datë 16.09.2018, ku rreth orës 20:30, në lagjen “Bashkimi” Vlorë, dy persona i kanë dalë para në rrugë shtetasit A.L, 34 vjeç, i cili transportonte lekë nga një pikë e këmbimit valutor në pikën tjetër dhe i kanë vjedhur me forcë dhe dhunë çantën e krahut ku kishte brenda saj një shumë të konsiderueshme vlerash monetare?,- shkruhet më tej në njoftimin e policisë.

Njoftimi i plotë

Vlorë – Finalizohet operacioni i koduar “Kambisti”, zbardhet vjedhja me dhunë, arrestohen autorët.

Seksioni i Krimeve pranë Komisariatit të DVP Vlorë, në kuadër të këtij operacioni pas një pune hetimore intensive ka bërë të mundur zbardhjen e ngjarjes së ndodhur më datë 16.09.2018, ku rreth orës 20:30, në lagjen “Bashkimi” Vlorë, dy persona i kanë dalë para në rrugë shtetasit A.L, 34 vjeç, i cili transportonte lekë nga një pikë e këmbimit valutor në pikën tjetër dhe i kanë vjedhur me forcë dhe dhunë çantën e krahut ku kishte brenda saj një shumë të konsiderueshme vlerash monetare.

Si rezultat i vlerësimit maksimal, angazhimit profesional dhe hetimeve intensive u bë e mundur zbardhja e ngjarjes së ndodhur duke vënë para përgjegjësisë penale autorët e dyshuar:

– M.Gj, 17 vjeç, banues në Vlorë;

– N.A, 16 vjeç, banues në Vlorë. Arrestimi i tyre u bë në lagjen “24 Maji”, të cilët tentuar t’u largoheshin shërbimeve të policisë por u kapen menjëherë në rrugën kryesore të kësaj lagjeje.

Gjatë kontrollit fizik dhe në banesat e tyre janë sekuestruar në cilësinë e provës materiale shumica e parave të vjedhura në total 8.150 Euro, çanta në të cilën ndodheshin lekët në momentin e vjedhjes si dhe xhiboksi i veshur në momentin e vjedhjes me dhunë nga njëri prej autorëve. Materialet do t’i referohen Prokurorisë në ngarkim të tyre për veprat penale “Vjedhje me dhunë, kryer në bashkëpunim”./ CNA.al





Lajmet e fundit nga