E fundit!

21:29 Aktualitet

"Investitorët strategjikë, klientela e Ramës"/ Këlliçi: Ende asnjë zyrtar shteti i arrestuar për aferat më të mëdha

Nënkryetari i PD-së, Belind Këllliçi ka folur mbrëmjen e s...

Rritja e kriminalitetit në Shkodër/ Zgjidhja thirrje ministrit Xhafaj

2 Shtator 2018, 09:02, Aktualitet CNA

Ngjarja e rëndë që tronditi ditën e djeshme Shkodrën, ka sjellë dhe reagimin e partisë Zgjidhja.

Në një postim në rrjetet sociale, Zgjidhja bën thirrje për çlirimin e Qeverisë nga bandat kriminale dhe ka kërkuar nga ministri i Brendshëm Fatmir Xhafaj që të ndërmarrë hapa konkretë për të vendosur rendin dhe sigurinë në në të gjithë vendin.

Zgjidhja ngre problemin se ?Zbatuesit e skemës qeveritare për implikimin e policisë me trafikantët në shumë drejtori dhe komisariate janë ende në krye të detyrës dhe vijojnë të tradhëtojnë policët e ndershëm. Për fat të keq ata nuk do të spastrohen edhe nga i ashtuquajturi vetting i ndërmarrë në radhët e policisë, sepse kanë mbrojtje politike nga karteli i drogës që ende nuk është çmontuar. Mafia është më e fortë se kurrë në krye të partive të vjetra dhe në krye të qeverisë?.

Reagimi i plotë:

Të çlirojmë qeverinë nga bandat

Vrasja mafioze e një shtetasi tjetër dje në Shkodër është një këmbanë alarmi për sigurinë jo vetëm për atë zonë, por edhe më gjerë. Me 6 viktima në pak muaj dhe dy shtetas të humbur, kryeqendra e veriut është nën terrorin e bandave që vrasin, grabitin dhe zhdukin pa lënë gjurmë.

ZGJIDHJA inkurajon ministrin e Brendshëm dhe ata pak drejtues të ndershëm të Policisë së Shtetit që të ndërmarrin hapa të guximshëm për të rivendosur rendin dhe qetësinë jo vetëm në qarkun e Shkodrës, por në mbarë vendin. Për tia arritur kësaj Policia e Shtetit duhet t?i shkojë deri në fund procesit të spastrimit të radhëve të saj nga elementët e inkriminuar që kanë qenë pjesë e rëndësishme e planit për kanabizimin e vendit nga karteli i drogës që u ideua nga kryeministri në detyrë dhe ish-ministri i Brendshëm.

Zbatuesit e skemës qeveritare për implikimin e policisë me trafikantët në shumë drejtori dhe komisariate janë ende në krye të detyrës dhe vijojnë të tradhëtojnë policët e ndershëm. Për fat të keq ata nuk do të spastrohen edhe nga i ashtuquajturi vetting i ndërmarrë në radhët e policisë, sepse kanë mbrojtje politike nga karteli i drogës që ende nuk është çmontuar. Mafia është më e fortë se kurrë në krye të partive të vjetra dhe në krye të qeverisë.

ZGJIDHJA është e bindur se vetëm çlirimi politikës dhe i qeverisjes së vendit nga karteli i drogës dhe nga bashkëpunimi i qeveritarëve, drejtorëve dhe shefave me eksponentë të krimit do të risjellë qetësinë dhe sigurinë jo vetëm në Shkodër, por në mbarë vendin. /CNA.al