web counter
LEXO PA REKLAMA!

SHKARKO APP

App Store
Google Play

Tatimet japin lajmin e mirë/ Taksat e bizneseve mund të paguhen edhe me këste

2 Shtator 2018, 08:27, Aktualitet CNA

Taksat e papaguara të bizneseve tashmë mund të paguhen me këste.

Lajmin e ka bërë të ditur Drejtoria e Përgjithshme e Tatimeve e cila publikoi dhe kushtet që duhet të plotësojnë bizneset për të përfituar mundësinë e shlyerjes së borxheve me këste.

?Marrëveshja me këste nuk mund të zgjatet përtej fundit të vitit që pason vitin në të cilin është lidhur ajo. Në rastet e marrëveshjeve për pagesë me këste, tatimpaguesi paguan kamatëvonesat, por nuk llogaritet gjobë për pagesë të vonuar?, deklaroi Drejtoria e Përgjithshme e Tatimeve.

Sipas DPT-së marrëveshja për pagesë me këste nuk mund të lidhet për detyrimin tatimor të vetëdeklaruar nga tatimpaguesi, i cili është llogaritur ose mbledhur prej tij, përfshirë kontributet e sigurimeve shoqërore dhe shëndetësore.

Për të fitur mundësinë e shlyerjes së borxheve së pari duhet bërë plotësimi i një kërkese me shkrim, që i drejtohet Drejtorisë Rajonale Tatimore nën juridiksionin e të cilës është regjistruar biznesi.

Pas plotësimit të kërkesës, drejtoria Rajonale Tatimore brenda 10 ditëve njofton nëse kërkesa pranohet apo refuzohet. Nëse kërkesa pranohet, nënshkruhet marrëveshja për pagesë me këste të detyrimeve tatimore të papaguara.

Me lidhjen e marrëveshjes Administrata Tatimore ndërpret masat e mbledhjes me forcë, të mbledhjes së detyrimeve tatimore, por ajo nuk tërheq masën e vendosur për të siguruar pagesën e detyrimit tatimor. /CNA.al





Lajmet e fundit nga