web counter
LEXO PA REKLAMA!

SHKARKO APP

App Store
Google Play

Gati dosjet për aferat e pushtetarëve/ 677 politikanë, gjyqtarë dhe zyrtarë fshehën llogaritë bankare

1 Shtator 2018, 08:41, Aktualitet CNA

Institucionet shqiptare duket se kanë gati dosjet për aferat e pushtetarëve shqiptarë.

Inspektorati i Lartë i Deklarimit dhe Kontrollit të Pasurive, ka forcuar kohët e fundit bashkëpunimin me Drejtorinë e Pastrimit të Parave për të zbuluar mashtrimet e zyrtarëve të lartë me paratë e depozituara nëpër banka.

Sipas informacioneve zyrtare, ILDKP ka zbuluar se vitin e fundit, 677 persona kanë pasur deklarime të dyshimta mbi llogaritë bankare brenda e jashtë vendit dhe për të gjithë ka pasur verifikime.

Sipas gazetës ?Sot? bëhet fjalë për deputetë, ministra, ish-ministra, kryebashkiakë dhe zyrtarë të lartë të administratës. Vështirësia më e madhe e ILDKP në verifikimin e pasurisë së zyrtarëve ka qenë pikërisht te bankat, pasi ka mjaft emra që kanë llogari bankare dhe jashtë vendit.

ILDKP nuk e bën dot verifikimin në shtete të tjera dhe për këtë arsye ka hyrë në lojë DPPPP. Kjo agjenci ka kërkuar informacione te agjencitë partnere, të cilat kanë sjellë të dhëna dhe ato i janë vënë në dispozicion ILDKP. Por paralelisht me këta emra, Drejtoria e Pastrimit të Parave ka kryer paralelisht verifikim për 3000 gjyqtarë, prokurorë dhe të afërm të tyre në kuadër të procesit të vetingut. Për të gjithë emrat dosjet duket se janë bërë gati dhe nëse organi i akuzës heziton, atëherë ILDKP dhe DPPPP pritet të vihen në lëvizje. Kodi i Procedurës Penale detyron të gjitha institucionet që të denoncojë çdo individ, për të cilin kanë dyshime se ka kryer vepër penale.





Lajmet e fundit nga